‘कोरोना कहरमा युवाको अवस्था चुनौती र अवसर बिषयक अन्तरक्रिया कार्यक्रममा साँफेबगरमा सम्पन्न‘

अछाम । अन्तराष्टिय युवा दिवसको अवसरमा कोरोना कहरमा युवाको अवस्था चुनौती र अवसर बिषयक अन्तरक्रिया कार्यक्रममा साँफेबगरमा सम्पन्न भएको छ । युवाहरुको अवसथा चुनौती र अवसरका बिषयमा अन्तरक्रिया कार्यक्रममा छलफल भएको थियो ।

नगर स्तरिय युवा सञ्जालका अध्यक्ष पुजा बुढाको अध्यक्षतामा भएको कार्यक्रममा प्रमुख अथिति साँफेबगर नगरपालिकाका नगर प्रमुख कुल बहादुर कुवँर रहेका थिए । प्रमुख अथिति कुवँरले कोरोनाको कहरमा युवाहरु बिदेश नगर स्वदेशमै स्वरोजगार बन्नुपर्नेमा जोड दिए ।

उनले नगरले पनि स्वरोजगार बन्न सहयोग गरिरहेको र आगामी दिनमा पनि सहयोग गर्ने प्रतिबद्धता जनाएका थिए । आफ्नो देशमा का मगर्न युवाहरु हिच्किचाउने गरेका कारण युवाहरु बिदेश पलायन हुने गरेको उनको भनाई थियो ।

कार्यक्रममा नेपाली कांग्रेस महासमिती सदस्य राजन कुवँरले युवाहरु समाज परिर्वतनका सम्बाहक भएकाले तिनै तहका सरकारले युवाहरुलाई सक्षम तथा रोजगारीको व्यावस्थ ागर्न पहल गर्नुपर्ने बताए ।

यस्तै नेकपा एमाले अछामका जिल्ला सदस्य सिलोज कुवँरले युवाहरु पनि जिम्मेवार र सक्षम बन्न तर्फ ध्यान दिनुपर्ने बताए ।

साँफेबगर नगरपालिका, यूएनफपिए र फाया नेपालको सहयोग तथा युवा संजाल साँफेबगर र जिल्ला युवा संजाल अछामको आयोजनमा कार्यक्रम सम्पन्न भएको थियो । वडा नं. ४ का अध्यक्ष बालगिरी कुवँर, वडा नं. ३ का अध्यक्ष कृष्ण बुढा लगायतको सहभागीता रहेको अन्र्तक्रिया कार्यक्रमको सहजिकरण तपेन्द्र कुवँरले गरेका थिए ।