अछाम । नेपाली कांग्रेस अछामका सहसचिव एवंम प्रवक्ता बेदप्रकाश तिमिल्सैनालाई कोरोना संक्रमण पुष्टी भएको छ । तिमिल्सैनालाई सोमबार गरिएको पिसिआर परिक्षणमा कोरोना संक्रमण पुष्टी भएको हो ।

नेपाल पत्रकार महासंघ अछामका पूर्व अध्यक्ष समेत रहेका तिमिल्सैनाले स्वास्थ्यमा कोरोना संग मिल्दोजुल्दो लक्षण देखिएपछि सोमबार कान्तीपुर अस्पताल काठमाडौँ स्वाब दिएका थिए । मंगलबार प्राप्त रिपोर्ट अनुसार कोरोना संक्रमण देखिएको उनले सुदूरआजलाई बताए ।

स्वास्थ्यका मापदण्ड पालना गर्दा गर्दै पनि कोभिडबाट मुक्त हुन नसकिएको उनले सामाजिक सञ्जालमा उल्लेख गरेका छन् । आफुलाई कडा लक्षण सहितको कोरोना देखिएकाले आफ्नो सम्र्पकमा आएकाहरुलाई सचेत र सजग रहन आग्रह गरेका छन् ।

कोभिड १९ प्रतिकार्यमा फ्रण्टलाईमा खटिएर काम गरेका थिए । उनले केही महिना पहिले जिल्लाका विभिन्न संघसंस्था, अस्पताल, सुरक्षा निकायहरुमा कारोना रोकथाम र नियन्त्रणका लागि स्वास्थ्य सुरक्षा सामाग्री वितरण गरेका थिए ।

उनले अछाम जिल्लामा अक्सिजन अभाव हुदाँ समेत विभिन्न स्वदेश तथा बिदेशी निकायसंग समन्वय गरेर अक्सिजन उपलब्ध गराउन महत्वपूर्ण भुमिका खेलेका थिए ।

व्यक्तीगत रुपमा दुई लाख बढी रुपयाँ खर्च गरेर उनले स्वास्थ्य सामाग्रीको व्यावस्थापन र अछाममा वितरण गरेका थिए । अछाम सहित जुम्ला, मुग सम्म समेत उनले अक्सिजन ढुवानी गरेका थिए ।

राजनिति संगै सामाजसेवामा पनि सक्रिय रहेका तिमिल्सैना कोभिड १९ को संक्रमण हुदाँ पनि उत्तिकै सक्रिय भउर समन्वय सहकार्य गरिरहेका छन् । उनले आजमात्रै कुईकेल्नी मन्दिरमा लाग्ने मेला र पुजा आजामा सहजताका लागि दुई हजार मास्क र ५ लिटर सेनिटाईजर दिएका छन् ।