काठमाडौं– नेकपा एमालेका प्रवक्ता प्रदीप ज्ञवालीले माधव नेपालको पार्टीले आफ्नो दलालाई तात्विक फरक नपार्ने दाबी गरेका छन्। माधव नेपालको नेतृत्वमा नयाँ दल नेकपा (एमाले समाजवादी) गठन भएपछि नेपाल समयसँग प्रतिक्रिया दिदै प्रवक्ता ज्ञवालीले एमालेलाई कुनै फरक नपर्ने बताएका छन्।

प्रवक्ता ज्ञवालीले नेकपा एमाले आफ्नो उद्देश्यमा प्रष्ट भएको र माधव नेपाललगायतका नेताहरू एमालेको आवरणमा नेपाली कांग्रेसलाई सहयोग गर्दै आईरहेकाले नयाँ दल खोल्नु वा पार्टी भित्रै बस्नुलै कुनै अर्थ नराख्ने उनको भनाइ छ। 

‘पार्टी विभाजनको बाटो गलत भएको भन्दै केही साथीहरु एमाले भित्रै फर्किनुहुन्छ। उहाँहरुसँग छलफल भइरहेको छ। पार्टीको कारबाहीमा परेका उहाँहरु पर्टिमा हुनु/नहुनुले पार्टीलाई कुनै पनि असर गर्दैन,’ उनले भने।