अछाम : समाजसेवी तथा नेपाली कांग्रेस अछामका नेता राजेन्द्र बहादुर शाहले बयालपाटा अस्पताललाई अक्सिज कन्सन्टेटर सहयोग गरेका छन् ।

समाजसेवी नेता शाहले आईतबार एक कार्यक्रमका बिच ५ थान अक्सिजन कन्सन्टेटर अस्पतालका मेडिकल निर्देशक डाक्टर मन्दिप पाठकलाई हस्तान्त्ररण गरेका थिए ।

अस्पताललले यस क्षेत्रका जनतालाई निशुल्क गुणस्तरिय सेवा प्रदान गरिरहेको भन्दै उनले अक्सिजन कन्सन्टेटर सहयोग गरेका हुन् । कोभिड १९ को महामारीमा पनि अस्पतालले सेवा प्रदान गरेकोमा शाहले खुशी व्यक्त गरेका थिए ।

सहयोगका लागि अस्पतालका मेडिकल निर्देशक डा. पाठकले शाहलाई धन्यवाद ज्ञापन गरेका थिए । शाहले यसअघि पनि बेला बेलामा अछाम जिल्लामा सहयोग गर्दे आईरहेका छन् ।

अप्ठेरो परोको बेला समाजसेवी तथा मनकारी भावनाका शाहले अछामी जनताको पिर मर्कामा मलहम लगाउने काम गरिरहेका छन्। अस्पताल, बाढी पिडित क्षेत्र, बिद्यालय लगायतका क्षेत्रमा शाहले सहयोग गर्दै आईरहेका छन् ।