१५ सैयाको आधारभूत अस्पताल पनि उद्घाटन गरिँदै

अछाम : जिल्लाको मेल्लेख गाउँपालिकाको प्रशासनिक भवनको उद्घाटन हुने भएको छ । गाउँपालिकाको नव निर्मित भवनको निर्माण कार्य पुरा भएपछी उद्घाटन हुन लागेको पालिकाले जनाएको छ।

भवन उद्घाटन कार्यक्रमको सम्पूर्ण तयारी पनि पुरा भएको पालिका अध्यक्ष लोक बहादुर बोहराले जानकारी दिए । प्रशासनिक भवन सँगै मेल्लेख गाउँपालिकामा १५ शय्याको अस्पतालको समेत भोलि (सोमबार) उद्घाटन गरिँदै छ ।

गाउँपालिका अध्यक्ष लोक बहादुर बोहराका अनुसार १५ शैय्याको आधारभूत अस्पतालको सोमवार बिहान र प्रशासनिक भवनको दिउसो औपचारिक रूपमा उद्घाटन गरिने छ । उद्घाटन कार्यक्रमका लागी आवश्यक सम्पूर्ण तयारी पुरा भइसकेको उनले बताए ।

प्रशासनिक भवन सञ्चालनमा आएसँगै गाउँपालिका कार्यालयबाट प्रदान गरिने सम्पूर्ण सेवा सहज तथा प्रविधिमैत्री हुने अध्यक्ष बोहराको विश्वास रहेको छ ।