अछाम : संविधान दिवसको अवसरमा अछामका विभिन्न ठाउँमा दिप प्रजल्लन गरिएको छ। यसै अन्तर्गत राष्ट्रिय एकता तथा संविधान दिवसको अवसरमा नेपाली कांग्रेस रामारोशनले दिप प्रज्वलन गरेको छ।

संविधान प्राप्तिका लागि आफ्नो ज्यान आहुति गर्ने महान सहिदको सम्मान तथा राष्ट्रिय एकताको का लागि कांग्रेस रामारोशनले गाउँ पालिकाको कार्यालय मुजाबगरमा दिप प्रज्वलन गरेको कांग्रेस युवा नेता पुष्प बिष्टले बताए ।

नेपाली जनताको त्याग तपस्या र वलिदानीले ऐतिहासिक सविधानसभा बाट संविधान निर्माण भएको र नेपाली जनताको लामो दशकको सपना साकार पारिएको यश दिनको अवसर आज देशका विभिन्न ठाउँ संविधान दिवस मनाइ संगै कांग्रेस रामारोशनले पनि दिवस मनाएको छ।

कार्यक्रममा नेपाली कांग्रेस महासमिति सदस्य अनुराधा स्वार कांग्रेस रामारोशनका सचिव पुर्ण विक युवा नेता पुष्प बिष्ट चन्द्रप्रकाश देवकोटा नवीन शाह देविन्द्र साउद लगायतको सहभागीता रहेको थियो ।

यस्तैे नेपाली कांग्रेस क्षेत्रीय कार्य समिती क्षेत्र नं. १ को आयोजनामा साँफेबगरमा दिप प्रजलन गरिएको छ । क्षेत्रिय सभापती कृष्ण बहादुर बुढाको नेतृत्वमा दिप प्रजलन गरिएको हो ।