दोलखा । चरिकोट अस्पताल दोलखाका मेडिकल सुपरिडेण्डन्ट डाक्टर बिनोद दंगाललाई सरकारले प्रवल जनसेवा श्री मानपदवीबाट सम्मानित गर्ने भएको छ ।

संविधान दिवसको अवसरमा सरकारले डाक्टर दंगाललाई प्रवल जनसेवा श्री प्रदान गर्ने घोषणा गरेको हो ।

बिगत १२ बर्ष देखि स्वास्थ्य सेवामा रहेका डाक्टर दंगालले सुरुमा सिन्धुपपाल्चोक र हाल दोलखा जिल्लामा काम गरिरहेका छन् ।

स्वास्थ्य सेवा सुधार र दर्गुमा जनतालाई गुणस्तरिय सेवा प्रदान गरिरहेका डा. दंगाललाई यसअघि पनि बिभिन्न संघ संसथाले सम्मान प्रदान गरेका छन् ।