काठमाडौँ । सत्तारुढ गठबन्धनले आजै मन्त्रिमण्डल विस्तार गर्ने तयारी गरेको छ । नेकपा माओवादीका अध्यक्ष पुष्पकमल दाहाल प्रचण्डले सकभर आजै मन्त्रिपरिषद विस्तार हुने बताएका हुन् ।

उनले पार्टी कार्यालय पेरिसडाँडामा आयोजित एक कार्यक्रमलाई सम्बोधन गर्दै सकभर आजै मन्त्रिपरिषद विस्तार गर्ने तयारीमा गठबन्धन रहेको बताए ।

आज बस्ने गठबन्धनको बैठकले मन्त्रिपरिषद विस्तार गर्न नसके पनि मन्त्रालयको भागबण्डा टुंग्याउने उनले बताए ।नेतृत्व सम्हालेको लामो समय वितिसक्दासमेत प्रधानमन्त्री शेरबहादुर देउवाले मन्त्रिपरिषदलाई पूर्णता दिन सकेका छैनन ।