काठमाडौं- नेपाली कांग्रेस गोरखाको सभापतिमा नन्दप्रसाद न्यौपाने सर्वसम्मत निर्वाचित भएका छन्। 

नेता गगनकुमार थापा निकट न्यौपाने सोमबार सभापतिमा सर्वसम्मत भएका हुन्।  

सभापति सर्वसम्मत भएपनि अन्य पदमा भने निर्वाचन हुने भएको छ। उपसभापति, सचिव र सहसचिवमा भोलि ८ बजेदेखि मतदान हुने निर्वाचन समितिले जनाएको छ।

सोमबार भएको उम्मेदवारी दर्तामा न्यौपानेको एकल उम्मेदवारी परेको थियो। यसअघि कांग्रेस गोरखाको सचिव रहेका उनी नेविसंघ गोरखाका दुई कार्यकाल अध्यक्ष समेत बनेका थिए।