साँफेबगर ४ मष्टमान्डौंमा समाजवादीको वडा कमिटीको अध्यक्षमा हिक्मत कुँवर चयन
केपी ओली प्रवृत्ति विरुद्ध विद्रोह गर्ने वाध्य भयौं : कुँवर
अछाम : नेपाल कम्युष्टि पार्टी (एकिकृत समाजवादीका) नेता शिवबहादुर कुँवर शिलोजले अहिलेको विद्रोह केपी ओली प्रवुत्तिका कारण भएको बताएका छन् । एकिकृत समाजवादीको साँफेबगर नगरपालिका वडा नं.४ मष्टमान्डौंमा भएको पहिलो अगुवा कार्यकर्ता भेलामा वोल्दै उनले अहिलेको लडाइँ केपी ओली व्यक्ति विरुद्ध नभई केपी ओली प्रवृत्ति विरुद्धको लडाइँ भएको बताए ।
उनले केपी ओली निरंकुश, तानाशाही, चरम व्यक्तिवादी ढंगले देखा परेको उल्लेख गर्दै त्यसलाई परास्त गर्न विद्रोहको बाटो रोज्न बाध्य हुनु परेको बताए । कम्युनिष्ट क्रान्तिहरुलाई एकतावद्ध गर्दै अघि बढाउनपर्ने अवस्था आएकाले पार्टीले सोही अनुसारको बाटो लिएर अघि बढेको बताए ।
साँफेबगर नगरका कार्वाहक प्रमुख विर्मला वुड्थापाले समाजवादी पार्टीले जनताको मन जित्ने दावि गरिन । नेपाल कम्युष्टि पार्टी (एकिकृत समाजवादीका) नेता नृप साउदले पार्टी विचारले अघि बढ्ने भएका कारण अहिले आँकार सानो भएपनि फरक नपर्ने बताए । यस्तै समाजवादीका नेतृ जयन्ति वोगटीले कम्युनिष्ट विचार र भावनालाई नेपाल कम्युष्टि पार्टी (एकिकृत समाजवादीले पुरा गर्ने धारणा व्यक्त गरे ।
मष्टमान्डौंमा समाजवादीको वडा कमिटीको अध्यक्षमा हिक्मत कुँवर चयन
नेपाल कम्युष्टि पार्टी (एकिकृत समाजवादी) प्रथम अगुवा वडा भेला साँफेबगर नगरपालिका वडा नं.४ मष्टमान्डौंमा सम्पन्न भएको छ । भेलाले हिक्मत कुँवरको अध्यक्षतामा २१ सदस्सीय नयाँ वडा कमिटी गठन गरेको छ । एकिकृत समाजवादीका नेता जितबहादुर निशानीको अध्यक्षतामा भएको भेलाका प्रमुख अतिथि एकिकृत समाजवादीका नेता शिवबहादुर कुँवर शिलोज रहेका थिए ।
कार्यक्रममा विशिष्ट अतिथि साँफेबगर नगरपालिकाका कार्वाहक प्रमुख विर्मलादेवि वुड्थापा रहेकी थिन । भेलामा एकिकृत समाजवादीका नेता नृप साउद, सुरत खड्का, जयन्ति वोगटी लगायत ६३ जनाको भेलामा सहभगिता रहेको थियो ।
भेलाले असोज २२ गते मंगलसैनमा आयोजना हुने जिल्ला स्तरीय भेलालाई सफल रुपमा सम्पन्न गर्ने निर्णय गरेको छ । समाजवादीका नेता मानबहादुर कुँवरले स्वागत मन्तव्य राखेका कार्यक्रमको सञ्चालन समाजवादीका नेता भरत कुँवरले गरेका थिए ।
प्रतिक्रिया