अछाम । नेपाली कांग्रेस अछामले स्व. रेशमराज तिमिल्सैनाको हत्यापछि मृत्यु भएको भन्दै पार्टीको झण्डा ३ दिन आधा झुकाउने भएको छ ।

नेपाली कांग्रेस अछाम क्षेत्र नं.२ का पूर्व क्षेत्रिय सदस्य एवंम १४ औँ महाधिबेशनका लागि क्षेत्रिय प्रतिनिधी रहेका स्व. तिमिल्सैनाको शोकमा कांग्रेस अछामले आज देखि पर्सी सम्म ३ दिन पार्टीको झण्डा आधा झुकाउने सभापती भरत कुमार स्वाँरले बताए ।

रहष्यमय तरिकाले तिमिल्सैनाको हत्या भएको भन्दै यसको यथाशक्य छिटो अनुसन्धान गर्न पार्टी कांग्रेस अछामले माग गरेको जिल्ला सचिव नम बहादुर शाहीले बताए ।

पार्टीले एक होनाहार कार्यकर्ता गुमाएको भन्दै यस दुखलाई शक्तीमा बदल्न सबै नेता कार्यकर्ता लाग्नुपर्ने उनको भनाई छ ।