अछाम । दुई दशक बढी अछामी पत्रकारीता जगतमा क्रियाशिल भएर समाज परिर्वतन र सुशासनका पक्षमा वकालत गर्ने व्यक्तीको रुपमा परिचित युवा बिनोद थापा नव प्रवेशी कांग्रेस हुन् ।

जनस्तरमा बलियो पकड भएका युवा थापा संचार क्षेत्रमा सक्रिय रहेका बेला उनले समाज परिर्वतन र सुशासन, सामाजिक न्याय कायम गराउन खेलेको भुमिकाका कारण समुदायका हरेक नागरिकसंग उनी प्रत्यक्ष र अप्रत्यक्ष रुपमा निकट छन् ।

संचार माध्यम मार्फत उनले समग्र अछामको आवाजलाई बुलन्द पारेका थिए । अछामलाई संचार माध्यबाट राष्ट्र सामु चिनाउन उनले खेलेको भुमिकाको अहिले पनि प्रशंसा हुन्छ । सकरात्मक सोच र चेतनाको धनी व्यक्ती थापा विकास र समाज परिर्वतनका लागि राजनिति भन्दा माथी उठेर जनताको जीवन परिर्वतन र सामाजिक रुपान्तरण गर्न भाषण होईन काम गर्नुपर्छ भन्ने मान्यता राख्छन् ।

उपेक्षित, उत्पिडित वर्ग र पछि परेका समुदायको पक्षमा बोल्ने थापा निजि स्वार्थ भन्दा माथि उठेर सामाजिक सेवामा काम गर्नुपर्छ भन्ने र परिणममुखी काम गर्ने उनको बिशेषता हो । केही पाउन भन्दा पनि समाजलाई केही दिन भनेर राजनितिमा लागेको भन्दै थापाले आफुलाई महाधिबेशन प्रतिनिधीमा अघि सारेका हुन् ।

सुदूरपश्चिमको विकट अछाम जिल्लामा हरेक दृष्टीकोणले पछाडी परेका बेला संचार माध्यमबाट पटक पटक घच्घचाउदै विकासमा बामे सराउने काम देखि जिल्लामा बिद्यमान रहेका छाउपडी प्रथा, छुवाछुत प्रथाको अन्त्य र खुल्ला दिशा मुक्त जिल्ला बनाउन थापाले खेलेको भुमिका स्मरण गर्न लायक काम भएको स्थानिय बताउछन् ।

उनलाई युवा वर्गको उत्साह जनक साथ छ भने उनलाई सथा दिने जमात अछामको क्षेत्र नं. २ मात्र नभई जिल्लाभरी नै उत्तिकै छ । थापालाई भाबी नेतृत्वमा समेत दखल राख्ने युवाका रुपमा समेत हेरिन थालेको छ । काम गरेर देखाउन सक्ने हैसियत राख्ने थापा योग्यता र क्षमता भएका व्यक्ती हुन् । अछाम जिल्लाबाट पत्रकारीता बिषयमा एमए गर्ने उनि पहिलो व्यक्ती हुन् ।