अछाम । नेपाली कांग्रेसको १४ औँ महाधिबेशन अन्र्तगत देशैभर बिभिन्न तहका निर्वाचन भईरहेका छन् । त्यसै अन्तर्गत अछाम जिल्लाका दुबै निर्वाचन क्षेत्रमा चुनाव भएर हिजो राती देखि मतगणना भईरहेको छ ।

प्रतिनिधी सभा निर्वाचन क्षेत्र नं. २ मा भने अन्तिम मत परिणाम सार्वजनिक हुने तयारीमा छ । यता निर्वाचन क्षेत्र नं. १ मा भने खसेको मत भन्दा बढी १८ मत मत पेटिकामा भेटिएका छन् ।

७ सय ६४ मतदाता रहेको निर्वाचन क्षेत्रमा ७ सय ४७ मत खसेकोमा ७ सय ६५ मत पत्र भेटिएका छन् । अहिले के गर्ने भन्ने बिषयमा छलफल भईरहेको निर्वाचन अधिकृत गणेश प्रसाद ढुंगानाले बताए ।