काठमाडौं । नेपाली कांग्रेसको १४ औं महाधिवेशन अन्तर्गत आज एकभन्दा बढी निर्वाचन क्षेत्र भएका जिल्लामा जिल्ला अधिवेशन हुँदैछ । 

काठमाडौं सहित ४२ जिल्लामा आजदेखि जिल्ला अधिवेशन सुरू हुँदै छ । अधिकांश जिल्लामा सभापति शेरबहादुर देउवा र वरिष्ठ नेता रामचन्द्र पौडेल समूहबीच प्रतिस्पर्धा हुने छ।

अछाम जिल्लामा भने आज जिल्ला अधिबेशन नहुने भएको छ। क्षेत्र नम्बर १ मा मत गणनामा विवाद भएपछी जिल्ला अधिबेशन स्थागित भएको छ।

काठमाडौंलगायत केही जिल्लामा भने सभापति देउवा र पूर्वमहामन्त्री कृष्णप्रसाद सिटौला पक्षको संयुक्त प्यानल बनेको छ । काठमाडौंमा नेता प्रकाशमान सिंह र केन्द्रीय सदस्य गगन थापा पक्षले संयुक्त प्यानल र देउवा–सिटौलाको प्यानलले प्रतिस्पर्धा गर्ने छन् । 

कांग्रेसले केन्द्रीय महाधिवेशन मंसिर २४ देखि २६ गतेसम्म काठमाडौंमा गर्ने तयारी गरेको छ।