अछाम : मंगल मिडिया नेटवर्क प्रा. लि. (मंगलखबर डटकम) द्धारा आयोजित निबन्ध प्रतियोगिताका टप ४ मा प्रतिस्पर्धिलाई भोलि अर्थात मंसिर २८ गते पुरुस्कार वितरण गरिने भएको छ ।

“घरेलु हिंसाले बालवालिकामा परेको असर” विषयमा भएको अछाम जिल्लाव्यापी मावि स्तरिय निवन्ध प्रतियोगितामा निर्णायक समितिले आयोजकलाई उपलब्ध गराएको विवरण अनुसार टप ४ मा परेका ब्यक्तिलाई नगद पुरुस्कार सहीत, प्रमाणपत्र हस्तान्तरण गरिने भएको छ ।

अछाम बुहमुखी क्याम्पसको हलम भोलि मंसिर २८ गते बिहान साढे ११ बजे एक औपचारिक कार्यक्रमका बिच पुरुस्कार वितरण कार्यक्रम गरिने मंगलखबर डटकमका सम्पादक कमल कुमार रावलले जानकारी दिए ।

पुरुस्कार वितरण कार्यक्रममा प्रमुअ अतिथी मंगलसेन नगरपालिका प्रमुख पदम बहादुर बोहरा सहीत, सम्पुर्ण राजनितिक दलका प्रतिनीधी, सरकार तथा गैरसरकारी कार्यालयका प्रतिनीधी, सरोकारवाला सबैलाई पत्राचार गरिसकिएको सम्पादक रावलले बताए ।

नेपाली वर्णानुक्रमका आधारमा टप ४ मा करन साउद, कल्पना साउद, मंगल साउद र लक्ष्मी शाह रहेका छन । करन गगुडा मावि चौरपाटी गाउँपालिका –३, कल्पना दशपल्ले पानी मावि चौरपाटी गाउँपालिका – २, मंगल पूर्णचन्द्र मावि रामारोशन गाउँपालिका –६ र लक्ष्मी ऐश्वर्य मावि बान्नीगढी जयगढ गाउँपालिका –६ का विद्यार्थि रहेका छन ।

निबन्ध प्रतियोगितामा जिल्लाका १० वटै पालिकाका शिक्षा शाखा मार्फत ५० भन्दा बढी माध्यामिक विद्यालयका विद्यार्थिले भाग लिएका थिए । प्रतिष्पर्धी सबै निवन्धहरुको संगालोका रुपमा पुस्तक समेत प्रकाशन गरिने जनाईएको छ ।

अछाम जिल्लामै पहिलोपटक आयोजना गरिएको जिल्लाव्यापी निवन्ध प्रतियोगिताको लागि बिभिन्न सरकारी तथा गैर सरकार निकाय एवं सरोकारवाला पक्षसंग सहकार्य तथा समन्वय समेत गरिएको मंगलखबरका सम्पादक रावलले बताए ।