अछाम : अछाम जेसिज नेपाल जेसिजबाट सम्मानित भएको छ । नेपाल जेसिजकाे पाेखरामा भएको ४८ औं राष्ट्रिय महाधिवेशनमा अछाम जेसिज २ वटा विधामा सम्मानित भएको हाे ।

अछाम जेसिजले बर्ष २०२१ ले जिल्लामा गरेकाे काम तथा जेसिज अभियानमा पुर्याएकाे याेगदानलाई कदर गर्दै सम्मानित गरेकाे नेपाल जेसिजका राष्ट्रिय अध्यक्ष अरुणेश्वर खनालले बताए ।

अछाम जेसिजले जिल्लामा काेभिड १९ बिरुद्ध गरेकाे काम तथा उद्यमशिलता विकास तालिम लगायतका कार्यका लागि सम्मानित भएको हाे ।

अछाम जेसिज नेपाल जेसिजकाे क्षेत्र घ अन्तर्गत ‘आउटस्ट्यान्डिङ काेभिड १९ ईनिसियटिभ प्राेग्राम अवार्ड एरिया डी’ र ‘आउटस्ट्यान्डिङ ईम्प्याक्ट फुल ट्रेनिङ एक्टिभिटी अफ द ईयर एरीया डी’ बाट सम्मानित भएको हाे ।

नेपाल जेसिजकाे महाधिवेशनमा अध्यक्ष खनालले प्रदान गर्नुभएको अवार्ड अछाम जेसिजका अध्यक्ष अम्मरनाथ न्याैपानेले ग्रहण गरे ।

अछाम जेसीजकाे निरन्तरकाे मानवताकाे सेवा नै जीवनकाे सर्वाेत्तम कार्य हाे भन्ने मर्म अनुसारका कार्य तथा पछिल्ला सक्रिय गतिविधिलाई नेपाल जेसिजले मूल्यांकन गरेकाे अछाम जेसीजका निवर्तमान अध्यक्ष तुलाराम बिसीले बताए।