सरस्वती प्राथमिक बिद्यालय ककडसातका बिद्यार्थीलाई खोप लगाउदैँ बयालपाटा अस्पतालका सामुदायिक स्वास्थ्य नर्स ज्ञानु खड्का र रमिता बोगटी ।

अछामका १० वटै पालिकामा कोभिड बिरुद्धको खोप अभियान संचालन हुदैँ,

अछाम : अछाम जिल्लामा कोभिड १९ बिरुद्धको खोप अभियान सुरु भएको छ । जिल्लाका दश वटै स्थानिय पालिकामा कोभिड १९ कोरोना बिरुद्धको खोप लगाईने स्वास्थ्य कार्यालय अछामले जनाएको छ ।

कार्यालय अछामका प्रमुख बरिष्ठ जनस्वास्थ्य अधिृकत झनक ढुंगानाका अनुसार १२ देखि १७ बर्ष उमेर समुहकालाई पहिलो चरणको खोप लगाईने भएको हो ।

जिल्लाका ३ सय ४७ वटा बिद्यालयका ३९ हजार ६१ बिद्यार्थीलाई पहिलो चरणमा खोप लगाईने ढुंगानाले बताए । सोही अन्र्तगत मंगलबार साँफेबगर नगरपालिकाबाट खोप संचालन भएको छ ।

अधिकृत ढुंगानाका अनुसार भोली बुधबार अछामका अन्य ८ वटा पालिकामा एकसाथ खोप लगाईनेछ भने कमलबजार नगरपालिकामा ९ गते कोभिड १९ बिरुद्धको खोप लगाईने छ ।

११ गते भित्र अछाम जिल्लाका ३९ हजार नागरिकलाई खोप लगाईने लक्ष्य लिईएको अधिृकत ढुंगानाले बताए ।

खोप लगाईसके पश्चात कुनै अवान्छित घट्ना भएमा पहिलो चरणमा पालिकाका स्वास्थ्य शाखाले उपचार गर्ने र थप उपचारको लागि जिल्ला अस्पताल, बयालपटा अस्पतालको चिकित्सकको टिम तयारी अवस्थामा राख्ने र उक्त कार्यको समन्वय स्वास्थ्य कार्यालय अछामले प्रमुख ढुंगानाले सुदूरआजलाई बताए ।