“५० जना भन्दा बढीलाई भोजन, बालबालिकालाई आर्थिक र शैक्षिक सामाग्री सहयोग ।“

अछाम : जन्म दिनको अवसरमा एक जनम प्रशासकले फरक तरिकाले जन्म दिन मनाएका छन् । अछाम जिल्लाको बान्नीगढी जयगढ गाँउपालिकाका निमित्त प्रमुख प्रशासकीय अधिकृत रामचन्द्र जोशीले आफ्नो जन्म दिनमा परोपकारी काम गरेका छन् ।

जन्म दिनको अवसरमा प्रमुख प्रशासकीय अधिकृत जोशीले कैलालीको धनगढीमा रहेको दृष्टि फाउन्डेशनमा खाना खुवाउनुका साथै शैक्षिक सामाग्रीका लागि आर्थिक सहयोग समेत गरेका छन् ।

जन्म दिनमा अन्य फजुल खर्च गर्नुभन्दा सामाजिक क्षेत्रमा काम गर्नु परोपकारी हुने भन्दै जोशीले जन्मदिनको अवसरपारी फाउण्डेशनमा रहेकाहरुलाई मंगलबार साझको भोजन र फाउन्डेशनमा रहेका नानी बाबुहरुको शैक्षिक सामग्री खरिदका लागि नगद १६ सय रुपयाँ सहयोग गरेका हुन् ।

जन्म दिनको अवसरमा जोशीले आफ्ना श्रमिती सामाजिक अभियान्ता हिरा जोशी, छोराहरु सञ्जीव जोशी, सुदर्शन जोशी र छोरी सदिक्षा जोशी सहित उपस्थिती भएर फाउण्डेशनका बालबालिकाहरुलाई भोजन गराए ।

सो अवसरमा फाउण्डेशनले जोशी सहित उनका परिवारलाई धन्यवाद दिदैँ सामाजिक कार्यमा लागेका पाइलाले सफलताको शिखर चुमोस्,आटेका सोचेका हरेक सपनाहरु पुराहुदै जाउन् भन्ने कामना समेत व्यक्त गरे ।

धनगढी मा रहेको दृस्टी फाउन्डेसनले बेसहारा, सडक बालबालिका तथा बृधबृधा र मानसिक रोगीको संरक्षण गर्दै आएको छ । उनीहरुलाइ सहयोग पुगोस भन्ने मनसायले यो कार्य गरिएको प्रमुख जोशीले बताए ।
भोजन सहित जोशीले फाउन्डेसन लाई दाल चामल तरकारी ,बेसार तेल नुन ,मसला ,मासु आदि खाध्यान्न सामाग्री समेत प्रदान गरे ।

फाउण्डेशनमा रहेका बालबालिकालाई शैक्षिक सामाग्री र आर्थिक सहयोग जोशीले आफ्नै हातले ५० जना भण्दा बढीलाई खाना खुवाए ।