अछाम : नेपाली कांग्रेस अछामको सातौं जिल्ला अधिवेशन आज बाट सुरु भएको छ । जिल्लाको ९१ वडाका क्षेत्रिय प्रतिनिधिहरु सदरमुकाम मंगलसेन केन्द्रित भएका छन् । उम्मेदारी दिने क्रम सकिए संगै आज अन्तिम नामावली प्रकाशन भएको छ। निर्बाचनको यही सेरोफेरोका उम्मेद्धारको बिचमा चर्चित भएका छन् जिल्ला सचिव पदका उम्मेद्धार पुष्प विष्ट ।

नेपाली कांग्रेस अछामको ७ औं जिल्ला अधिवेशनमा सबैभन्दा कान्छा उम्मेदवार युवा नेता पुष्प बिष्टले सचिव पदमा उम्मेदवारी मनोनयन दर्ता गरेका छन् । अछामको रामारोशन गाउँपालिकाबाट विद्यार्थी राजनितिबाट उदाएका बिष्ट पछिल्लो समयमा अछाम कांग्रेसको माझमा निकै लोकप्रिय र सक्रिय रुपमा परिचित छन ।

शुक्रबार नेपाली कांग्रेस अछामले नयाँ नेतृत्वका लागि भएको मनोनयन दर्तामा पदाधिकारी सबै भन्दा कम उमेर रहेका बिष्ट सबैभन्दा बलिया उम्मेद्धारको रुपमा हेरीएका छन् । विष्टसँगै अन्य ५ जना सचिब पदको चुनावी मैदानमा छन् ।

कांग्रेस रुपान्तरण पुनर्जागरण अभियान बलियो एजेन्डा बनाएका बिष्टले राजनीति कार्यमा मात्र नभएर थुप्रै सामाजिक तथा अन्य परोपकारी कार्यमा सक्रिय रहेछन् । युवा हरुलाई प्रेरणा दिन समंग्र कांग्रेस अछामका युवालाई उर्जा दिएको उनको भनाइ छ ।

प्रखर वक्ता र आफ्नो बिचार लाई बौद्धिक तरिकाले जनताको माझ राख्न सिपालु पनि बिष्टको उम्मेदवारीलाई विषेश ढंगबाट हेरीन थालेको क्षेत्रिय प्रतिनिधिहरु बताउँछन् । माओवादीको आधार इलाका मानिने रामारोशनबाट कांग्रेसको राजनितिमा लागेका बिष्ट कुशल संगठनकर्ताको रुपमा आफूले उभिन चाहेको बताउँछन् ।  

२०७७ भाद्र २ गते रामारोशनमा आएको बिनास बाढीले भएको क्षेति र त्यस क्षेत्रका जनता लाई राहत तथा उद्धारमा सक्रिय भएर काम गरेका बिष्टले कांग्रेस जनताको सारथि भएको बताए ।

आफ्नो क्षेत्र ाट एकल र साझा उम्मेदवारको रुपमा उनलाई अगाडी सरोको नेपाली कांग्रेस अछाम क्षेत्र नम्बर १ का सचिव पुर्णबहादुर वि.कले बताए । मंगलसेनमा शुक्रबारबाट सुरु भएको जिल्ला अधिवेशनमा बलियो उम्मेदवारको रुपमा देखा परेको वि.कको भनाइ छ ।