अछाम: जिल्लाको पञ्चदेवल विनायक नगरपालिकामा टाइफाईड रोग विरुद्धको खोप लगाउन सुरु गरिएको छ ।

नगरका ९ वटै खोप केन्द्र तथा विद्यालयहरुमा १५ महिना माथी र १५ बर्ष मुनीका वालवालिकालाई शनिवार बाट टाइफाईड खोप अभियान सुरु गरिएको पञ्चदेवल विनायक नगरपालिका स्वास्थ्य शाखा सह संयोजक जनक बुढाले जानकारी दिए ।

शनिवारपहिलो दिन नगरका ९ वटै वडाहरुमा १५ महिना देखी २३ महिना सम्मका १०९ जना र २ बर्ष देखी १५ बर्ष मुनीका २ हजार ५ सय ८४ जना गरि जम्मा २ हजार ६ सय ९३ जनाले खोप लगाएका सह संयोजक बुढाले बताए ।

पञ्चदेवल नगरपालिकाले ११ हजार ८ सय ४ जनालाई खोप लगाउने लक्ष्य लिएको छ । जस अन्तर्गत विद्यालयमा रहेका ९ हजार १ सय ८९ र विद्यालय वाहिर रहेका २ हजार ६ सय १५ जनालाई बैशाख ३ गते बाट ७ गते सम्म खोप दिइने बताइएको छ ।

खोप निशुल्क पाईने र यसले जीवन रक्षा गर्ने भएकाले सम्पुर्ण १५ बर्ष मुनीका वालवालिकालाई अनिवार्य आफ्नो विद्यालय तथा खोप केन्द्रमा सहभागी भई खोप लगाउन स्वास्थ्य शाखाले अनुरोध गरेको छ ।