‘भलिबल प्रशिक्षक र रेफ्रीका लागि तयारी गर्दै रेखा’

अछाम । उमेरले १३/१४ बर्ष देखि नै रेखा शाही र सरस्वती जैशीले आफ्नो भलिबल खेल प्रतिको रुचीलाई मोजाका बलसंग साइनो जोडिन् । अछाम जिल्लाको ढकारी गाँउपालिकामा जन्मिएकी रेखा र सरस्वतीको सोही गाँउको कालिका देवि माबी बाट पढाई संगसंगै भलिबल खेलको यात्रा पनि सुरु भयो । एउटै गाँउ र एउटै स्कुलमा पढ्ने मिल्ने साथी भएका कारण पनि उनिहरुले खेललाई निरन्तरता दिदैँ गईन् ।

हिच्माबाट जिल्ला राष्ट्रिपति रनिंग सिल्डमा छनोट भएकी रेखा शाहीले जिल्ला हुदैँ, क्षेत्र र २०६८ मा सुदूरपश्चिमको प्रतिनिधित्व गर्दै छैटौँ राष्ट्रिय प्रतियोगितामा सहभागी भईन् । आफ्ना दाई भरत शाही समेत भलिबल खेलाडी भएका कारण दाईकै प्ररेणाबाट खेल्न थालेकी रेखाले राष्ट्रिय प्रतियोगितामा सहभागी भईसकेपछि बिभिन्न अरु खेलमा समेत सहभागीता जनाईन् ।

त्यसपछि उनी २०७२ मा नेपाल आर्मीमा र २०७४ मा आर्मीको भलिबल क्लबमा आबद्ध भएर राष्ट्रिय प्रतियोगिता खेलिन् । क्लबमा हुदाँ उनले बिभिन्न राष्ट्रिय खेल खेल्ने अवसर प्राप्त गरिन् । स्वास्थ्यका कारण उनले अहिले भने खेललाई निरन्तरता दिन सकेकी छैनन् । तर रेखाको अब प्रशिक्षक र रेफ्री हुने मन छ।

रेखाकी साथी सरस्वतीको चाहाना भने अन्तराष्ट्रिय प्रतियोगितामा सम्हुम पुग्ने सपना छ । आउदो असोज २८ गते देखि हुने ९ औँ राष्ट्रिय खेलकुद प्रतियोगितामा सहभागी हुन उनि नेपाली आर्मी क्लबको बन्द प्रशिक्षणमा छन् । उनि भन्छन् अब राष्ट्रिय टिमबाट नेपालको जर्सी लगाएर अन्तराष्ट्रिय प्रतियोगिता खेल्ने ठुलो धोको छ । भलिबलमा जीवन समर्पित गर्ने गरी मेहनत गरिरहेको छु असम्भब भने केही पनि छैन् उनि भन्छन् ।

सरस्वती कक्षा ६ मा पढने बेलाबाट बिद्यालयको प्रतिनिधित्व गर्दै २०७२ सालमा राष्ट्रपति रनिगं सिल्ड खेल्दै जिल्ला र प्रदेश हुदैँ राष्ट्रिय प्रतियोगितामा सहभागी भईन् । उनले पहिलो प्राथमिक्ता भलिबल खेललाई दिन थालिन् ।

कसैको पनी जीवनको सुरुवात कुनै न कुनै सघर्षबाट नै हुन्छ् त्या चाहे ठुलो होस् या सानो त्यसले जब सफतला प्राप्त हुन्छ अनि जीवनको लयले पनि गति लिन्छ । हो त्यहि सफलताको गतिमा अघि बढेकी छन् अछामी चेली सरस्वती । बाल्यकालमा मोजाको बलले भबिबलको यात्रा तय गरेकी सरस्वतीको जीवनमा धेरै ठुलो संघर्षको कथा नभएपनि उनले आफ्नो खेल प्रतिको लगाव र मेहनले उनलाई सफलता मिल्दै गयो ।

२०७२ सालमा पोखरामा उत्कृष्ट प्रदर्शन गरेपछि नेपाली सेना संग जोडिएकी उनि ९ महिनाको तालिम पछि नेपाल आर्मी क्लबको टिममा परिन् । विद्यालय पढ्दा देखि, जिल्ला स्तरिय राष्ट्रपती रनिङ शिल्डमा प्रतिनिधित्व गरी राष्ट्रिय प्रतियोगिताको भलिबल कोर्टमा प्रवेश गरेकी सरस्वतीलाई च्याम्पियन हुदैँ उत्कृष्ट खेलाडी घोषित भएपछि पूर्णरुपमा खेलाडी बनेर अघि बढ्ने बाटो खुल्यो ।

जब सरस्वती खेल क्षेत्रमा प्रबेश गरिन् उनको परिवारले पनि उत्तिकै साथ दियो, भन्छन् भलिबल मेरो जीवनको करियर बन्छ भन्ने मेरो भनाईमा परिवारको समेत साथ रह्यो । आजसम्मको सफलताको पछाडी परिवारको साथ रहेकोमा उनि खुशी व्यक्त गर्छन् । यसअघि एशिएन च्याम्यिनसिप कपका लागि सरस्वती छनोटमा परेर बन्द प्रशिक्षणमा रहेपनि त्यो खेल कोरानाका कारण स्थिगित भएको थियो ।