अछाम : जिल्लाको साँफेबगर नगरपालिकामा आज सरसफाई गरिएको छ ।

एयरपोर्ट बजार व्यावस्थापन समितीको आयोजनामा नगर क्षेत्र सरसफाई गरिएको हो । बजार व्यावस्थापन समितीका अध्यक्ष राम बहादुर कुवँरको नेतृत्व र पहलमा सरसफाई गरिएको हो ।

सफा र सुन्दर नगर बनाउने अभियानका साथ सरसफाई अभियानको थालनी गरिउको बजार व्यावस्थापन समितीका अध्यक्ष कुवँरले बताए । यसपछि क्रमश बजारको अन्य क्षेत्रमा समेत सरसफाई गरिने उनले बताए ।

सरसफाई कार्यक्रममा जिल्ला समन्वय समिती अछामका प्रमुख ललित बहादुर कुवँर, नगर प्रमुख राजेन्द्र बहादुर कुवँर, उपप्रमुख शिब बहादुर कुवँर लगायतको सहभागीता रहेको थियो ।