अछाम । सिटिजन लाइफ इन्स्योरेन्स कम्पनी लिमिटेड बिरेन्द्रनगर शाखा द्वारा मृत्युु दाबी रकम हस्तान्तरण गरिएको छ ।

सिटिजन लाइफ र ग्रामीण जागरण बचत तथा ऋण सहकारी सस्था बिच भएको ऋणिहरुको बिमा सम्झौता सिटिजन सुरक्षा योजना अन्तर्गत ८ लाख ऋण रकम (इन्स्योरेन्सको लागि रु.४,९२० बुझाउनु भएको) बापतको ८ लाख बिमांक रकम र काजकिरिया खर्च ४५ हजार रुपैयाँ गरि जम्मा रकम ८ लाख ४५ हजार रुपैयाँ मृतक राम बहादुर ठाडा मगर कि श्रीमती भिम कुमारी ठाडा लाई उहाकै घरमा गएर उक्त रकम हस्तान्तरण गरिएको हो ।

बिमा रकम हस्तान्तरण कार्यक्रम मा बिरेन्द्रनगर नगरपालिका वडा न १३ का वडा अध्यक्ष, सहकारी सस्थाका सम्पुर्ण कर्मचारी, सस्थापक तथा सिटिजन लाईफका क्षेत्रीय शाखा प्रमुख जीवन कुमार धामी, बिरेन्द्रनगर शाखा प्रमुख नम बहादुर खड्का लगायत स्थानियहरुको उपस्थिति रहेको थियो । क्षेत्रीय शाखा प्रमुख जीवन कुमार धामी ले आगामी दिनमा सम्पुर्ण कागजात समयमै उपलब्ध भए ३/४ दिनमै दाबी रकम हस्तान्तरण गर्न सकिने बताउनु भयो ।

कार्यक्रमा वि.न.पा. वडा न १३ का वडा अध्यक्षले भन्नुभयो, बिमा भ्रम लाग्थ्यो तर यो कार्यक्रम मार्फत सिटिजनले मृतकको ८ लाख ऋण रकम र काजकिरिया ४५ हजार ले दुखको बेला मलम मात्रै लाउने काम गरेन ऋण मुक्त समेत गरेको देख्दा एकदमै खुसी महसुस भएको छ ।