अछाम । अछामका ४० हजार बढी बालबालिकालाई कोभिड १९ बिरुद्धको खोप लगाउन शुरु गरिएको छ । ५ बर्षदेखि ११ बर्षभित्रका ४० हजार बढी बालबालिकालाई कोभिड १९ बिरुद्धको खोप लगाउन शुरु गरिएको हो ।

नियमित खोपका कार्यक्रमहरु प्रभावित नहुने गरि कालबालिकालाई कोभिड १९ रोग विरुद्धको खोप अभियान संचालन भएको जिल्ला स्वास्थ्य कार्यालय अछामका प्रमुख झनकराज ढुंगानाले बताए ।

सरकारले कोभिड – १९ विरुद्ध खोप अन्तर्गत फाईजर – बायोएनटेक अभियान अन्तर्गत पहिलो मात्रा भाद्र ५ देखि ११ सम्म र दोस्रो मात्रा भाद्र २७ देखि आश्विन १ गतेसम्म संचालन गर्ने र सोही अनुसार अछाममा पनि अभियान शुरु भएको स्वास्थ्य कार्यालय अछामका वरिष्ठ जनस्वास्थ्य अधिकृत ढुंगानाले जानकारी दिए ।

जिल्लाका ५सय ३४ खोपकेन्द्रमा विद्यालय बाहिर रहेका ५ सय २१ र विद्यालयमा अध्ययनरत ३९ हजार ९ सय गरि ४० हजार ४ सय २१ बालबालिकालाई खोप दिईने उनले बताए ।

अछामका ९ पालिकामा भाद्र ५ गतेबाट र बाँकी रहेको कमलबजार नगरपालिकामा भाद्र ९ गते बाट खोप अभियान सञ्चालन हुने बताईएको छ । सोही अन्र्तगत मेल्लेख गाँउपालिकामा संचालन भईरहेको खोप अभियानको अनुगमन समेत गरिएको छ ।

स्वास्थ्य कार्यालय अछामका प्रमुख झनकराज ढुंगानाको नेतृत्वमा गएको एक टोलीले खोपको अनुगमन गरेको हो ।