अछाम । सरकारले आगामी मंसिर ४ गते प्रदेश र प्रतिनिधी सभाको निर्वाचन घोषणा गरेसंगै चुनावी चहलपहल दिनदिनै बढीरहेको छ । अहिले क्षेत्रिय समितीबाट जिल्ला तथा प्रदेशमा आकाक्षी उम्मेद्धारको नाम पठाउने काम भईरहेको छ ।

अछाम जिल्लाबाट समेत नेपाली कांग्रेस सहितका दलहरुले उम्मेद्धारका आकांक्षीहरुको नाम पठाईरहेका छन् । यसैबिच नेपाली कांग्रेस अछाम क्षेत्र नं. २ प्रदेश सभा ख बाट डाक्टर सन्तोष उपाध्याय नाम प्रदेश सभा सदस्यका लागि सिफारिष भएको छ ।

कांग्रेस अछाम प्रदेश सभा ख ले डा. उपाध्याय सहित ९ जनाको नाम क्षेत्रिय समितीलाई पठाएको थियो । सोही नाम क्षेत्रिय समितीले जिल्लालाई र जिल्लाले प्रदेश तथा केन्द्रीय समितीलाई पठाएको जिल्ला सभापती पुष्प बहादुर शाहले बताए ।

केन्द्रले १ महिला सहित ३ जनाको नाम सिफारिष गरेर पठाउन निर्देशन गरेपनि जिल्लामा आकांक्षी उम्मेद्धार बढी भएको र सहमति हुन नसेकपछि हुबहु नाम पठाईएको उनले बताए ।

को हुन् प्रदेशमा सिफारिष डा. सन्तोष उपाध्याय

अछाम जिल्लामा जन्मेर राष्ट्रिय स्तरमा ख्याती कमाएका ३१ बर्षिय चिकित्सक हुन् डा. सन्तोष उपाध्याय । माध्यामिक तह सम्मको शिक्षा कैलालीमा पुरा गरेका डा. उपाध्यायले महाराजगञ्जमा एमबिबिएसको अध्ययन पुरा गरे ।

सन् २०१० मा नेपाल बिद्यार्थी संघको सदस्य हुदैँ नेपाली कांग्रेसको राजनितिक यात्रा सुरु गरेका डा. उपाध्याय महाराज मेडिकल कलेजमा अध्ययनरत हुदा ईकाइ सभापती हुदैँ स्ववियु सभापतीमा समेत प्रतिष्पर्धा गरेका थिए । उनले नेपाली कांग्रेसको सुबेच्छ्क संस्था प्रजातान्त्रबादी चिकित्सक संघको दुई कार्यकाल केन्द्रिय सदस्य भएर समेत काम गरिसकेका छन् ।

पेशाले स्वास्थ्यकर्मी भएपनि आफ्ना बुवाले अछाम जिल्लामा गरेको समाजसेवाबाट प्रेरित भएर राजनिति मार्फत समाजसेवामा होमिने निर्णय गरेका उनले नेपाली कांग्रसको १४ औँ महाधिबेशन अन्र्तगत अछाम जिल्लाको क्षेत्र नं. २ बाट महाधिबेशन प्रतिनिधीमा प्रतिष्पर्धा गरे ।

एमबिबिएसको पढाई सकरे स्वास्थ्य सेवा गर्न अछाम पुगेका डा उपाध्याय डेढ बर्ष जति कमलबजार प्राथमिक स्वास्थ्य केन्द्रमा बसेर त्यस क्षेत्रका जनताको सेवा गरे । कमलबजारमा सेवा गर्दै गर्दा उनको मनमा यस्तो कुरा खेल्दै गयो कि बिरामी मात्रै हेरेर समस्या समाधान नहुने रैछ । उनि भन्छन् मैले प्राथमिक स्वास्थ्य केन्द्रमा बिरामी हेर्दा लाग्यो हामी संग यति धेरै समस्या छन् जुन बिरामीको उपचार गरेर मात्रै सम्भव छैन् त्यसका लागि निति निर्माण तहमै बसेर काम गर्नुपर्छ । त्यहि कुरामा निर्णय लिएर उनले समाजका लागि केही गर्नुपर्छ भन्ने उद्देश्य बोकेर सबै नितिको मुल निति राजनितिमा लागेर समस्या समाधान गर्न तर्फ होमिएको उनको धारणा छ ।

२०४८ देखि हालसम्म पटक पटक उहि पुराना अनुहार दोहोरिएका छन् तर परिर्वतन भने उपलब्धी मुलक नभएको भन्दै उनले अब युवाहरु राजनितिमा आएर समाज परिवएतन गर्नु पर्ने र त्यसका लागि आफुमा नेतृत्व गर्ने क्षमता भएका कारण राजनितिमा होमिएको डा. उपाध्यायको भनाई छ ।

यस्ता काम तदरुक्ताका साथ अघि बढाउन युवालाई भुमिका चाहिएको छ उनि भन्छन् युवाहरु अहिले भुमिका बिहिन जस्तै छन् । ५० भन्दा तलको उमेरका उम्मेद्धार कमै मात्रै हुने गरेको गुनासो गर्दै उनले यसपटक सबै पार्टीले युवालाई साथमा लिनुपर्ने उनको माग छ ।

देश बिदेशमा नेपालको प्रतिनिधित्व गरेर आफुले काम गरेको र बिभिन्न ३४ बढी देशको सामाजिक राजनितिक र आर्थिक अवस्था समेत बुझेका कारण राजनितिमा लागेर समाजसेवा गर्ने ध्ययेका साथ आफु अघि बढेको उनले बताए । जनता संगै आफु घुलमिल भएर काम गरेको छु, बर्षौ देखि स्थापित भएका नेताहरुको भन्दा आफुले कुनै पनि काम कम नगर्ने उनको दाबी छ ।

उच्च शिक्षाको अध्ययन सकेर अछाम फर्केका डा. उपाध्यायले जिल्लाका ५ वटा बिद्यालयमा पुष्तकालय स्थापना, २० भन्दा बढी गाँउठाँउमा शिबिर संचालन, जिल्ला अस्पताललाई फोटोथेरापी मेसिन उपलब्ध गराउने काम देखि कोरोनाको बेला अक्सिजन कन्सन्टेटर उपलब्ध गराउने जस्ता उल्लेखनिय काम गरेका छन् ।

सुदुरपश्चिमका पहाडी जिल्लामा फोटोथेरापी मेसिन नहुदाँ उक्त सेवा लिन धनगढी जानुपर्ने बाध्यता थियो । हाल आएर त्यसको अन्त्य भएको जिल्ला अस्पताल अछामले जनाएको छ । डा. उपाध्ययाले उपलब्ध गराएको उक्त मेडिकल उपकरण बच्चामा हुने जण्डिस रोगको उपचार गर्न सहज हुन्छ । हालसम्म जिल्लामा ७० बढी बच्चाले उपचार सेवा लिएका अस्पतालले जनाएको छ ।

शिक्षामा सुधार नल्याएसम्म नागरिकको जीवन सुधार गर्न नसकिने भन्दै डा. उपाध्यायले निकट भबिष्यमै अछामका १० बिद्यालयमा र १ बर्ष भित्रमा जिल्लाका ९३ माबीमा पुष्तकालय स्थापना गर्ने महत्वकांक्षी लक्ष्य बोकेको उनले सुनाए । राजनितिमा स्थापित हुन मलाई केही बर्ष लाग्न सक्छ, उनि भन्छन् तर म अछामलाई पछिडिएको क्षेत्रबाट हटाउन र शिक्षा, स्वास्थ्य, यातायात, पर्यटन क्षेत्र काम गर्न लाग्नेछु ।

मलाई काम गर्ने ठाँउ चाहिएको छ डा. उपाध्याय भन्छन् फाईदाका लागि नभई समाजसेवाका लागि राजनिति गर्ने सोचका साथ अघि बढेको हुँ । गएको ५ बर्ष खेर गए जस्तै भएको छ, उल्लेख काम हुन सकेको छैन् । शिक्षा, स्वास्थ्यमा अझै पहँुच पुगेको छैन् । जताततै भ्रष्टचार मात्रै मौलाएको छ त्यसको नियन्त्रण गरेर जनताका जनजिविकाका सवालमा काम गर्ने उनी बताउछन् ।

शिक्षा, स्वास्थ्य, पर्यटन लगायत विकास निर्माणका कामलाई पुर्णता दिने भिजन र योजना आफ्नो रहेको उनले बताए । यातायात र पर्यटनलाई जोडेर सुदुरपश्मि पर्यटक भित्र्याउने ठुला कार्यक्रम आयोजना गरेर प्रदेशलाई एक उत्कृष्ट पर्यटकिय गन्तव्य बनाउने उनको योजना छ ।

समग्र सुदूरपश्चिम प्रदेशलाई केन्द्रसंग जोड्ने, उत्पादनलाई बढवा र बजारिकरण गर्ने, बिभिन्न देशमा जादाँ त्यहाँ सिकेको कुरा व्यावहारमा प्रयोग गर्ने, प्रदेशका क्षमतावान व्यक्तीलाई एकिकृत गर्ने पनि योजना रहेको उनले सुनाए ।

मिस्टर नेपाल सन् २०१९ को अर्वाड जितेका डाक्टर उपाध्याय सन् २०२० को मिस्टर सुपस्टार संगै मिस्टर सुप्राईन्टरनेश्नल २०२१ मा थर्ड रनरअप भएका थिए ।