अछाम : न्यु होराइजन युथ क्लब चौरपाटीले जिल्लाका ३ स्थानिय तहका पहिरोबाट आफन्त गुमाएका परिवारका लागि आर्थिक संकलन अभियान थालनि गरेको छ ।

भाद्र ३१ गतेका दिन अबिरल बर्षाका कारण अछाम जिल्लाको तुर्माखाद, ढकारी गाँउपालिका र कमलबजार नगरपालीकाका बिभिन्न स्थानमा भएको भौतिक तथा मानविय क्षती पिडितहरुलाई सहयोगार्थ राहत सकलनको थालनी गरिएको हो । चौरपाटी गाउपालिकाका वडा नं।

५ लुंग्रा र जिल्ला प्रसासन कार्यालय अछाम बाट अनुमती पत्र लिई असोज ७ गते अभियानको थालनी गरीएको क्लबका अध्यक्ष कृष्ण खड्काले जानकारी दिए। क्लबले हाल सम्म ६०००/रकम संकलन गरेको अध्यक्ष खड्काको भनाई छ । राहत संकल अभियान जारी रहेको छ । यस दुखःद घडिमा सक्दो मानविय सहयोग गरिदिन समेत सबैमा उनले आग्रह गरेका छन । सहयोग गर्न इच्छुक सहयोगी मनहरुलाई न्यु होराइजन युथ क्लब चौरपाटी को सेनचुरी बैङ्क मा रहेको खाता न १२४००००५७३ं मा जम्मा गरि सहयोग गरिदिन अनुरोध गरीएको छ ।