‘ सुदुरपश्चिम संग आफ्नै सुटिङ पोशाक र हातहतियार नहुदाँ अरु प्रदेशसंग मागेरै प्रतिष्पर्धा ‘

अछाम : सुदुरपश्चिम प्रदेशले २१ वर्ष पछि सुटिङमा कास्य पदक हात पारेको छ । १० मिटर एयर राइफल सुटिङमा सुदुरपश्चिमले कास्य पदक हात पारेको हो ।

यसअघि सुदूरपीश्चमले सो बिद्याको खेलमा कुनै पदक पाउन सकेको थिएन् । ३ जनाको सामुहिक खेलाईने उक्त खेलमा सुदुरपश्चिमले नेपाल पुलिस क्लबलाई पराजित गर्दै तेश्रो स्थान सुरक्षित गरेको हो । सुदुरपश्चिम प्रदेशबाट अछामका जीवन बोहरा, कञ्चनपुरका शंकर दाहाल र सुनिल चन्द सहभागी भएका थिए ।

कुनै प्रशिक्षण र प्रशिक्षण सामाग्री बिना नै सुदुरपश्चिमले उक्त पदक पाएको हो । प्रतियोगितामा तेश्रो स्थान प्राप्त गरेपछि प्रतिक्रिया दिदैँ खेलाडी जीवन बोहरा भन्छन् हाम्रो प्रदेशमा न राम्रो खेल्ने ठाँउ छ । न प्रशिक्षण सामाग्री न प्रशिक्षक छन् तर पनि प्रदेशले यो स्थान पाउनु खुशीको कुरा भएको बताए ।

सुटिङ पोशाक र हातहतियार नहुदाँ आफुहरुले अरु प्रदेशसंग मागेर प्रतिष्पर्धा गरेको उनले बताए । १२ महिना नै तालिम पाएका र सबै सामाग्री भएको पुलिस क्लबलाई हराएर तेश्रो स्थान आउनु चुनौतीपूर्ण भएको खेलाडी बोहराले बताए ।

तर आफुले प्रतिनिधित्व गरेर सुदूरपीश्चमलाई २१ बर्ष पछि तेश्रो स्थान दिलाउन सफल भएकोमा खुशी व्यक्त गरे । पहिलो गोल्ड मेडल नेपाल आर्मी र दोश्रो मेडल बागमती प्रदेशले पाएको थियो ।