अछाम । कम्प्युटर एशोसिएशन नेपाल महासंघ जिल्ला शाखा अछामको पाँचौँ बार्षिक साधारण सभा तथा तेश्रो जिल्ला अबिधेशन सम्पन्न भएको छ । सदरमुकाम मंगलसैनमा सम्पन्न अबिधेशनले वर्तमान सचिव रमेश बहादुर महरको नेतृत्वमा सर्बसम्मत नयाँ कार्य समिती चयन गरेको हो ।

समितीको उपाध्यक्षमा दिनेश कुमार स्वाँर, सचिवमा पूर्ण बहादुर खड्का, कोषाध्यक्षमा हर्क बहादुर थापा, सहसचिवमा हिमाल बुढा रहेका छन् । शाखाको सदस्यहरुमा नन्दराज ढुंगाना, इन्दु कुमारी पाण्डे र दिलिप केसी चयन भएका निर्वाचन अधिकृत अधिबक्ता गणेश प्रसाद ढुंगानाले जानकारी दिए । यस्तै अधिबेशनले केन्द्रीय प्रतिनिधीमा खेमराज ढुंगानालाई सर्बसम्मत चयन गरेको छ ।

यस्तै शाखाले सल्लाहकार समिती समेत चयन गरेको छ । जसको संयोजकमा बुद्धी बहादुर साँउद , सदस्यमा चन्द्रप्रकाश साउँद र शिबराज बोहरा रहेका छन् ।

शाखाका वर्तमान सचिव रमेश बहादुर महरको अध्यक्षतामा भएको अबिधेशनमा क्यान महासंघका केन्द्रीय सदस्य खेमराज ढुंगाना प्रमुख अथिति रहेका थिए । अबिधेशनले शाखा सचिव र कोषाध्यक्षको प्रतिवेदन समेत पारित गरेको थियो ।

नवर्निवाचित कार्यसमितीको पहिलो बैठक समेत सम्पन्न

क्यान महासंघ अछामको नवर्निवाचित कार्यसमितीको पहिलो बैठक समेत सम्पन्न भएको छ । शाखा अध्यक्ष रमेश बहादुर महरको अध्यक्षतामा बसेको बैठकले निर्वतमान कार्यसमिती, शाखाका साधारण सदस्य तथा निर्वाचन अधिकृत लगायतलाई धन्यवाद ज्ञापन गर्ने निर्णय गरेको छ ।

यस्तै बैठकले क्यान अछामका पूर्व अध्यक्ष समेत रहेका केन्द्रीय सदस्य खेमराज ढुंगानालाई पुन केन्द्रीय सदस्यको उम्मेद्धारका लागि समेत सिफारिष गरेको छ ।