अछाम ः जिल्लाको पञ्चदेवल नगरपालिका वडा नं। ३ मा बर्थिगं सेन्टर निर्माण भएको छ । नगरपालिकाको आर्थिक सहयोगमा बर्थिगं सेन्टरको भवन निर्माण कार्य सम्पन्न भएको हो ।

नगरका सबै वडामा बर्थिगं सेन्टर निर्माण गर्ने नगरपालिकाको कार्ययोजना अनुसार सो काम सम्पन्न भएको नगरपालिकाले जनाएको छ ।

बिहिबार एक कार्यक्रमका बिच बर्थिगं सेन्टरो हस्तान्त्ररण कार्यक्रम सम्पन्न भएको छ । नगर प्रमुख चलाउनेको बिशेष उपस्थितीमा बर्थिगं सेन्टर भवन निर्माण पक्षले व्यावस्थापन पक्षलाई हस्तान्त्ररण गरेको थियो ।

निकट समयमा थप बर्थिगं सेन्टरमा थप संरचना निर्माण गरी आवश्यक स्वास्थ्य सामाग्रीको ब्यवस्थापन तथा जनशक्ति तयार गरेर प्रसुती सेवा सुचारु गरिने बताईएको छ ।

सबै वडाका महिलाहरुलाई गर्भवती तथा सुत्केरी हुदाँ सहजता होस् र अकालमै कसैले पनि ज्यान गुमाउन नपरोस् भन्ने हेतुले बर्थिगं सेन्टर निर्माण गरिएको नगर प्रमुख अम्बिका चलाउनले बताईन् ।

यो संगै बिनायकका सबै वडामा बर्थिगं सेन्टर निर्माण भएका छन् । नगरले स्वास्थ्य शिक्षा, यातायात, स्वरोजगार लगायतका कामलाई मुख्य प्राथमिक्तामा राखेर काम गरिरहेको उनले बताईन् ।