अछाम : मंगलसेन नगरपालिकाले गत कात्तिक २३ गते राती आएको भुकम्पले क्षती पु¥याएका घर परिवारलाई राहात वितरण गरेको छ । भुकम्पले पुर्ण रुपमा क्षति गरेका र बस्न नमिल्ने घरका परिवारलाई राहात वितरण गरेको हो ।

पालिकाका ७ वटा वडाका ८८ घर परिवारलाई त्रिपाल र कम्बल वितरण गरेको हो । नगर प्रमुख पदम बहादुर बोहराको नेतृत्वमा भुकम्प आए लगत्तै पालिकाका १४ वटै वाडमा पुगेर लगत संकलन गरि राहातका लागि प्रकृया अगाडी बढाएको थियो ।

नगरका वडा न ८ मा १० जना, वडा न ९ मा १२ जना, १० मा २० जना, वडा न ११ मा ७ जना, यस्तै वडा न १२ मा ९ जना, वडा न ६ मा २४ जना र वडा न ७ मा ६ जनालाई राहात वितरण गरिएको नगरपालिकाका विपत ब्यवस्थापन समितिका शाखा प्रमुख नरेश बहादुर कठातले बताए ।

अहिले पहिलो चरणमा पुर्ण रुपमा क्षति भएका घरपरिवारलाई मात्रै राहात वितरण गरिएको र बाकी अन्यको लागि सम्बन्धित निकायमा अनुरोध गर्ने नगरपालिकाले जनाएको छ । अहिले पनि धेरै नागरिकहरु छुटेकाले बाकी भुकम्पले क्षति ब्यहोरेका घर परिवारका लागि केही पहल गरिने शाखा प्रमुख कठायतले बताए ।

शनीबार मंगलसेन नगरपालिका वडा न ६ र ७ मा पनि ३० घर परिवारलाई राहात वितरण गरिएको छ । राहात वितरण कार्यक्रममा प्रमुख अतिथीको आशनबाट दबोल्दै नगर प्रमुख पदम बहादुर बोहराले यो राहातले थोरै भएपनि पिडितहरुको घाउमा मलहम लाग्ने भएकाले आगामी दिनमा थप राहातका लागि प्रकृया अघि बढाउने बताए ।

नगरपालिकाले दिएको राहातको सही सदुपयोग गर्दै आफ्नो दैनिकी सहज बनाउन वडाबासीलाई अनुरोध गरेका छन् । यस्ता विपदजन्य घट्ना बाट ठुलो क्षति हुन नदिन नागरिक आफैले पुर्व सतर्कता अपनाउनुपर्ने बताए ।

हामीले पुस्तौ पुस्ताका लागि बस्ने घर निर्माण गर्दा बुद्धी लगाएर कामगर्नुपर्ने बताए । घरजस्तो संरचना निर्माण गर्दा धेरै ठाउमा लापरबाही भएकाले आगामी दिनमा यस्ता मुजबुत खालका संरचना निर्माणमा ध्यान दिनुपर्ने उनको भनाई छ ।

पछिल्लो समयमा संरचना बनाउद अपनत्व नहुने र त्यसले गर्दा यस्ता संरचनाहरु कमजोर हुदै गएकाले अब सोचनुपर्ने बेला आएको उनको भनाई रहेको छ । अब नगरपालिकाका जुनसुकै वडामा पनि राम्रो काम नगर्ने र झारो टार्ने काम जो वडामा गरिन्छ त्यो वडाको बजेट काट्ने देखी गुणस्तरिय काम नगर्ने नागरिकलाई कार्बाही प्रकृया समेत अगाडी बढाईने चेतावनी दिए ।

वडा र टोलमा निर्माण गरिने संरचनाहरु वडाबासीको सम्पती भएकाले त्यसलाई सरकारको हो भनेर लापरबाही नगर्न समेत नगर प्रमुख बोहराले अनुरोध गरे । यस भन्दा अघि धेरै ठाउमा त्यस्तो देखीएकाले अब राम्रो गर्नेलाई पुरस्कार र नराम्रो गर्ने जसलाई पनि कार्बाहीको प्रकृया अघि बढाईने उनको भनाई रहेको थियो ।

आफ्नो गाउठाउमा कुनैपनी किसीमको योजना निर्माण गर्दा त्यसमा गुणस्तरिय काम भए नभएको बारे पटक पटक नेरखेर गर्न समेत नागरिकलाई अनुरोध गरे । नागरिक सचेत भएपछि मात्रै समग्र नगरको विकास हुने भएकाले यस्ता कुरामा सजग र सचेत रहन अनुरोध आग्रह गरे ।

पालिकामा निर्माण गरिने साना तथा ठुलो योजनाहरु राम्रा बनाउका लागि आगामी दिनमा नगरपालिकाको तर्फबाट बिशेष कार्यक्रम संचालन गरिने बताए । अब पालिकामा एक प्रकारणको जागरण नै ल्योने गरि सचेतना मुलक कार्यक्रमहरु अगाडी बढाईने भएकाले यस कार्यमा सहयाृग गर्न समेत अनुरोध गरे ।

कार्यक्रममा बोल्दै वडा न ६ का वडा अध्यक्ष देबेन्द्र प्रसाद भण्डारीले वडाको विकासका लागि सबैले हातेमालो गर्नुपर्ने बताए । वडामा भुकम्पले ठुलो क्षति गरेको हुदा नगरपालिकाले थप सहयोग गर्नुपर्ने माग गरे ।

धेरै घरहरु अहिलेपनि बस्न नसकीनेगरि चर्कीएकाले त्यस्ता घरहरुको लगत लिएर सम्बन्धीत निकायमा दिएको हुदा सानो सहयोग भएपनि राहात स्वरुप नगरले यो सहयोग गरेको अध्यक्ष भण्डारीको भनाई छ । विपल आएको बेला वडाले नागरिक बाट कर समेत नलिएको बताए ।

वडा न ७ मा भएको कार्यक्रममा बोल्दै वडा अध्यक्ष राज बहादुर शाहीले वडाको समग्र विकासका लागि आफ्नो तर्फबाट कुनैपनी कुरामा कञ्जुसाई नगर्ने प्रतिबद्धता जनाए । काम गरिरहदा आफ्नो तर्फबाट केही कमजोरी भएमा आफुलाई रचनात्मक सुझाव दिन अनुरोध गरे ।

वडालाई नमुना बनाउने काम कुनै एक पक्षको सहयोगले मात्रै सम्भव नहुने भएकाले यसमा सबैले आ आफ्नो क्षेत्रबाट सकारात्मक भुमीका खेल्न समेत आग्रह गरे । आफु वडाबासीको सुझव सल्ला भन्दा बाहिर गएर काम नगर्ने र जनताको पक्षमा कामगर्ने योजनाका साथ आएकाले आफु जनताले दिएको मतको अवमुल्याकन नगर्ने वडा अध्यक्ष शाहीले प्रतिबद्धता जनाए ।

वडा न ६ मा भएको कार्यक्रममा वडा सदस्य दुर्गा प्रसाद भण्डारी, गंगा माविका प्रधनाध्यापक मोतिराम भण्डारी, वडा न १२ का सचिव दिल बहादुर केसी, समाजसेवी राम प्रसाद भण्डारी, नन्दाराम भण्डारी लगायतको सहभागिता रहेको थियो

वडा न ७ मा कार्यपालिका सदस्य मनसरा थ्यायत, वडा सदस्य गोकर्ण प्रसाद ढुंगाना, नेपाली काग्रेसका जन्मराज जैसी, एमालेका भोज बहादुर शाही लगायतको सहभागिता रहेको थियो । कार्यक्रमको संचालन वडा न ७ का वडा सचिव शिवराज ढुंगानाले गरेका थिए ।