अछाम । जिल्लाको मंगलसेन नगरपालिका वडा नं. ९ मा रहेको मंगला नेपाल राष्ट्रिय माध्यामिक विद्यालय वलिगाउँले खेलाडीलाई बधाई सहित सम्मान गरेको छ ।

विद्यालयले एक कार्यक्रमको आयोजना गरि नगरमा प्रथम भएपछी प्रथम, द्धितिय, तृतिय, सहित सहभागी खेलाडी र प्रशिक्षकलाई खादा, अब्बिर र नगद सहीत सम्मान गरेको हो ।

विद्यालय व्यवस्थापन समिति अध्यक्ष भैरव सिंह बोहराको अध्यक्षतामा भएको कार्यक्रममा प्रमुख अतिथी वडा नम्बर ९ का अध्यक्ष पदम बहादुर बोहरा र ८ अध्यक्ष ज्ञानेन्द्र बहादुर बोहरा बिशिष्ट अतिथी रहनु भएको थियो ।

प्रमुख अतिथी र बिशिष्ट अतिथीले खेलाडीलाई बधाई दिदै शैक्षिक गुणस्तरसँगै खेल क्षेत्रलाई स्थान दिएर अघि बढन आग्रह गरे । वडाको तर्फबाट हुने सहयोग निरन्तर जारी रहने प्रतिबद्धता समेत जनाए ।

विद्यालयबाट सहभागी ३३ जना खेलाडी र प्रशिक्षकलाई नगरबाट प्राप्त नगद, जिल्ला समन्वय समिती प्रमुख ललित बहादुर कुवर, विद्यालय प्रशासन, वडा नम्बर ८ का अध्यक्ष ज्ञानेन्द्र बहादुर बोहरा, ९ का अध्यक्ष पदम बहादुर बोहरा र अभिभावक राजेन्द्र बहादुर रावलले प्रदान गर्नु भएको नगद रकम हस्तान्तर गरिएको थियो ।

कार्यक्रममा विद्यालयका सहायक प्रधानाध्यापक धर्म बहादुर रावल, अभिभावक तकेन्द्र रावल, खेलकुद प्रशिक्षक रेबन्त बहादुर बिष्ट, छात्रा सृजना बुढाले बधाई मन्तव्य राख्नु भएको थियो । कार्यक्रममा कार्यपालिका सदस्य रेखा रावल, वडा सदस्य पुष्प बहादुर रावल, मथुरा दमाई, अभिभावक राजेन्द्र रावल लगाएतका अतिथी रहनु भएको थियो ।

विद्यालयका माध्यामिक तह ईञ्चार्ज धनकला ठकुल्लाको स्वागत मन्तव्यबाट सुरु भएको कार्यक्रमको संञ्चालन लेखापाल कमल रावलले गर्नु भएको थियो ।