अछाम : साँफेबगरमा माघ २७ गतेबाटसुरु भएको ५ औँ साँफेबगर महोत्सवको चौथो दिन स्थानीय तथा राष्ट्रिय कलाकारहरुले माहोल तताएका छन् ।
साेमबार राष्ट्रिय कलाकार एलिना चौहान , रुबिना अधिकारी, महेन्द्र बि.सि, धर्मेन्द्र सुनार र स्थानीय कलाकारले पनि आफ्नो प्रस्तुती राखेका थिए । ‘स्थानीय उत्पादन, कला, संस्कृति तथा पर्यटन प्रवद्र्धन’ भन्ने मुल नाराका साथ सुरु भएको महोत्वसमा स्थानीयको उत्साहजनक सहभागिता रहेको छ ।
आज (साेमबार) चौथो दिन ११ हजार बढी दर्शकले महोत्सव अवलोकन गरेको आयोजकले जानकारी दिएको छ । चौथाैं दिन ८ हजार १ सय भन्दा बढी टिकट विक्री भएको महोत्सव मुल आयोजक समितिका प्रवक्ता लालबहादुर कुँवर (नेत्र) ले जानकारी दिए।
महोत्सवको पाँचौ दिन भोली (मंगलबार) चर्चित गायिका सम्झना लामिछाने , चिज गुरुङ , सोभा त्रिपाठी ,मोडल रोजी कुँवर लगाएत प्रस्तुती रहने आयोजकले जानकारी दिएको छ । महोत्सवमा २५ भन्दा वढी स्टल राखिएका छन् । माघ २७ गते देखि शुरु भएको महोत्सव फागुन ५ गतेसम्म सञ्चालन हुनेछ ।
भलिबल प्रतियोगितामा भोलि ४ खेल हुने
यसै गरि भाेलि (मंगलबार) भलिवल खेलमा ४ खेल खेलाईने छ । पहिलाे खेल बान्नीगढी गाउँपालिका भर्सेश ईन्र्दसरा आयोल स्टाेर भने दाेस्राे खेल एन्जिला पुस्तक पसल भर्सेश बुढीगंगा नगरपालिका बाजुरा बिच हुनेछ ।
तेस्रो खेलमा पहिलाे सेमिफाइनल साँफेबगर नगरपालिका भर्शेस मेल्लेख गाउँपालिका बिच हुनेछ भने दाेस्राे सेमिफाइनल खेल पहिलाे र दाेस्राे खेलका बिजेता बिच हुने खेल संयाेजक चेतमान बिक्रम शाहले जानकारी दिए ।
प्रतिक्रिया