अछम : ७३ औँ प्रजातन्त्र दिवस बिभिन्न कार्यक्रम गरी आईतबार देशभर मनाईदैछ । अछाम जिल्लामा पनि बिभन्न कार्यक्रम गरी प्रजातन्त्र दिवस मनाईदैछ ।

७३ औँ प्रजातन्त्र दिवस बयालपाटा अस्पतालमा समेत मनाईएको छ । दिवसको अवरसरमा अस्पताल परिसर सरसफाई गरी अस्पतालको प्रांगणमा झण्डा फहराउने काम गरिएको छ ।

यस्तै आईतबार साँझ नेपालको नक्सा बनाएर दिप प्रज्वलन गर्ने र सोमबार बिहान पनि अस्पताल परिसर सरसफाई गरी प्रजातन्त्र दिवस मनाउने कार्यक्रम रहेको बयालपाटा अस्पतालले जनाएको छ ।

२००७ साल फागुन ७ गते १०४ वर्षे जहानियाँ राणा शासन अन्त्य भएपछि नेपाली जनता रैतीबाट नागरिक बनेको ऐतिहासिक दिनको स्मरणमा हरेक वर्ष आजको दिन प्रजातन्त्र दिवस मनाउने गरिन्छ ।