अछाम । नेपाल लाईफ ईन्स्योरेन्स कम्पनी उपशाखा मंगलसैनले जीवन बिमा बाफतको मृत्यु दाबी भुक्तानी गरेको छ ।

अछामको मंगलसेन नगरपालिका वडा नं. ७ निवासी झंकर प्रसाद जैशीले गरेको बिमा बाफतको रकम जैशीका आफन्तलाई भुक्तानी गरिएको हो ।

जैशीको मृत्यु भएपछि उनकी श्रीमती कल्धरी जैशीले मृत्यु दाबी गरेपछि भुक्तानी गरिएको उपशाखा प्रमुख पदम थ्यायतले बताए ।

जैशीले ७ लाख बराबरको जीवन बिमा गरेका थिए । सो बाफतको ८ लाख ८९ हजार ३ सय ५० रुपयाँ बिमांक र बोनस सहित भुक्तानी गरिएको शाखा प्रमुख थ्यायतले बताए ।

प्रमुख थ्यायतका अनुसार जैशीले ३ किस्ता मात्र भुक्तानी गरेका थिए ।