अछाम: पञ्चदेवल विनायक नगरपालिकाले पहिलो स्थापना दिवस मनाउन लागेको छ ।

अछामको पूर्वी भेगमा अवस्थित पञ्चदेवल नगरपालिकाले यही फाल्गुन २७ गते शनिवार तामझामका साथ नगर बार्षिकोत्सव मनाउन लागेको हो ।

२०७३ साल फाल्गुन २७ गते स्थापना भएको पञ्चदेवल नगरपालिकाले आफ्नो पहिलो बार्षिकोत्सव विभिन्न कार्यक्रम गरी मनाउन लागेको नगरउप्रमुख हर्क बहादुर रावलले बताए ।

बार्षिकोत्सवको अवसरमा नगरपालिकाको प्रतिवेदन प्रस्तुत,निवर्तमान नगरसभा सदस्यहरुलाई सम्मान तथा कदरपत्र वितरण,नगरक्षेत्रका मारुनी नृत्य,हुड्क्यौली,रत्यौडी,पञ्चेबाजा सहितको झाँकी प्रस्तुति,विभिन्न कलाकारहरुको बजोड प्रस्तुती रहने पनि नगरपालिकाले जानकारी दिएके छ ।

यसै बिच
नगर उद्योग बाणिज्य संघद्धारा पुर्वसन्ध्यामा बजार सरसफाई

नगर उद्योग बाणिज्य संघ बिनायकले बिनायक बजार सरसफाई गरेको छ । शनिबार हुने नगरपालिकाको बार्षिक उत्सबको पुर्वसन्ध्यामा बजार सफाई गरिएको हो ।
केहिदिन अघि गठन भएको बाणिज्य संघले पन्चदेवल बजार र बिचबजारमा रहेको फोहोर उठाएको संघका महासचिब भिमबहादुर नेपालिले बताए ।

नगर उद्योग बाणिज्य संघका अध्यक्ष केशवराज तिमिल्सैनाको नेतृत्वमा गरिएको बृहत् सरसफाइ कार्यक्रममा वडा नम्बर १ का वडाअध्यक्ष दुर्गा प्रसाद तिमिल्सैना, वडा नम्बर ५ का पुर्व वडाअध्यक्ष कुल बहादुर बुढा लगायतका जनप्रतिनिधिको सहभागिता थियो ।

उद्योग बाणिज्य संघका पदाधिकारी , प्रहरी र ब्यापारीको सहभागीतामा सफाई गरिएको हो ।