अछाम । अछामको बान्निगढी जयगढ गाउँपालिकामा सुदूरपश्चिममै सबैभन्दा कम बेरुजु देखिएको छ । 

बिहीबार सार्वजनिक गरिएको आर्थिक वर्ष २०७८÷०७९ को अन्तिम लेखा परिक्षण प्रतिवेदनमा बान्निगढी गाउँपालिकामा सुदूरपश्चिम प्रदेशमै सबैभन्दा कम बेरुजु देखिएको हो । 

गाउँपालिकामा आर्थिक बर्ष २०७८/७९ मा ०.९४ प्रतिशत अर्थात् ८८ लाख चार हजार मात्र बेरुजु देखिएको छ । 

जो सुदूरपश्चिम प्रदेशका ८८ वटा स्थानीय तहहरूमा देखिएको बेरुजुमा सबैभन्दा कम बेरुजु हो ।

प्रचलित कानुन बमोजिम पुर्याउनुपर्ने रीत नपुर्याइ कारोबार गरेको, राख्नुपर्ने लेखा नराखेको, बेमुनासिब तरिकाले आर्थिक कारोबार गरेको रकम कलमलाई बेरुजु भनिन्छ । 

बान्निगढी गाउँपालिका आर्थिक वर्ष २०७७/०७८ मा अछाम जिल्लाका दश वटा स्थानीय तहहरुमा सबैभन्दा कम बेरुजु हुने स्थानीय तहमा परेको गाउपालिकाका लेखा अधिकृत नारद खनालले बताए ।