हिमाल उदासी
ऊ पनि गुरु !
पहिले ऊ गुरु मान्थ्यो
अभिभावक मान्थ्यो
अन्नदाता मान्थ्यो
आदर्श मान्थ्यो
सबथोक मान्थ्यो
यतिसम्म की भगवान मान्थ्यो ।
त्यै सबथोक मान्नेले
एकदिन मागेको
थोरै पाएनछ
मनका जसो
एकछिन भएनछ !
त्यहीदिनबाट उसले
माथिका सबै आदर्श
मान्न छोडयो
यतिसम्म की
बोल्नै छोडयो
मुस्कुराउन छोड्यो
र
ऊ आउनै छोडयो ।
तर
आज मेरो जिवनमा
यति धेरै ज्ञान दिएर जाने
ऊ पनि गुरु भएको छ
ठुलो गुरु भएको छ ।
प्रतिक्रिया