अछाम : आज ३६औँ विश्व एड्स दिवस। ‘समुदायको नेतृत्वमा एड्सको अन्त्य’, भन्ने नारासहित देशभर चेतनामूलक कार्यक्रम गरी मनाइँदैछ।

अछाम जिल्लामा समेत बिश्व एड्स दिवस मनाईएको छ । जिल्लाको सदरमुकाम मंगलसैनमा बिभिन्न कार्यक्रम गरी एड्स दिवस मनाईएको स्वास्थ्य कार्यालय अछामले जनाएको छ ।

स्वास्थ्य कार्यालय अछामको आयोजना तथा जिल्ला अस्पताल अछाम, मंगलसैन नगरपालिका, वाक नेपाल र एड्स हेल्थ प्रतिष्ठानको सहकार्यमा बिभिन्न कार्यत्रलम भएका छन् । बिहान सदरमुकाममा प्रभात फेरी र दिउसो षोडशा माबीमा हाजिरिजवाफ प्रतियोगिता गरिएको सम्र्पक व्यक्ती हिमाल ढुंगानाले बताए ।यस्तै आज शुक्रबार बेलुका जिल्ला अस्पताल अछाममा क्याण्डिल बाल्ने कार्यत्रलम रहेको उनले बताए ।

यसअघि बिश्व एड्स दिवसको अवसरमा बयालपाटा अस्पतालमा सरसफाई समेत गरिएको थियो ।

हरेक वर्ष डिसेम्बर १ का दिन यो दिवस मनाइने गरेको छ। स्वास्थ्य तथा जनसङ्ख्या मन्त्रालयअन्तर्गतको राष्ट्रिय एड्स तथा यौन रोग नियन्त्रण केन्द्र्रले यससम्बन्धी चेतना र सन्देशमूलक कार्यक्रम आयोजना गरी यो दिवस मनाइँदैछ।

सन् १९८१ मा पहिलो एचआइभी संक्रमित फेला परेदेखि सन् २०२२ को अन्त्यसम्ममा ८ करोड ५६ लाख जनामा संक्रमण भएको छ। संक्रमणका कारण ४ करोड ४ लाख जनाको मृत्यु भइसकेको छ। विश्वमा हरेक दिन ३ हजार ६०० मानिस एचआइभी संक्रमित हुने गरेका छन्।

केन्द्रका अनुसार नेपालमा सन् २०२२ को अन्त्यसम्म ३० हजार व्यक्तिमा एचआइभी संक्रमण भएको अनुमान छ। नेपालमा हरेक दिन १ जना एचआइभीबाट संक्रमित हुने गरेको तथ्याङ्क छ।