दैलेखको आठबिस नगरपालिकामा कुखुराको खोरमा पसेर कुखुरा खाने चरीबाघलाई नियन्त्रणमा लिईएको छ । नगरपालिकाको वडा नम्बर ३ जाक्सीमा रहेको बसुन्धरा कृषि फाममा पालेका करिब १ सय ५० बढी ब्रोईलर कुखुरा मारेको चरिबाघलाई स्थानिय प्रहरी र जिल्ला बन कार्यालय दैलेखको टोलिले नियन्त्रणमा लिएको हो ।

मङ्गलबार राती फाममा पसेको चरिबाघले करिब ६ सय किलो कुखुरा नस्ट गरेको फाम सन्चालक छत्र सिजापतिले जानकारी दिए । उनका अनुसार करिब अढाई लाख बराबरको क्षती भएको छ ।

नियन्त्रणमा लिएको बाघलाई अहिले ईलाका प्रहरी कार्यालय राकम कर्णालीमा राखिएको प्रहरी सहायक निरिक्षक भुपेन्द्र शाहीले जानकारी दिए । उनका अनुसार नियन्त्रणमा रहेको बाघलाई बन कार्यालयका कर्मचारी, स्थानिय जनप्रतिनिधि लगायतको रोहबरमा नजिकको सामुदायिक बनमा लगेर छोडिनेछ ।