अछाम ः नेपाली कांग्रेस जिल्ला कार्य समिती अछामको २१ औँ पूर्ण बैठक बिपी स्मृती भवन मंगलसैनमा सम्पन्न भएको छ । संघिय सांसद समेत रहेका पार्टी सभापती पुष्प बहादुर शाहको सभापतित्वमा भएको बैठकले बिभिन्न निर्णय पारित गरेको छ ।

पार्टीको आर्थिक अवस्थालाई चुस्तदुरुस्त राख्न पदाधिकारी सम्मिलित समिति गठन गरि आर्थिक प्रतिवेदन तयार पार्ने निर्णय भएको छ । १४ औँ महाधिबेशन पश्चात खर्चको माग दाबी बढी भई आएकोमा त्यसको लेखाजोखा गर्न समितीले आवश्यक छलफल तथा समन्वय गरी निर्क्योल निकाल्न पार्टी सभापती पुष्प बहादुर शाहले निर्देशन दिएका छन् ।

बिपी स्मृती भवन निर्माण भएको ठाउँको जग्गा खरिद गर्ने समयमै नापीमा लालपूर्जामा छुट भएको र हाल सबै प्रक्रिया पुुरा गरि दर्ता प्रक्रियामा रहेकाले छिट्टै जग्गाको लालपूर्जा प्राप्त हुने भएकाले यस बिषयमा अनावश्यक बाहिर रुपमा टिका टिप्पणी नगर्न समेत सभापती शाहले निर्देशन गरेका छन् । यस्तै पार्टीलाई बुझाउनु पर्ने लेबी समेत जिल्ला कार्य समितीको खातामा बुझाउन सबै नेता कार्यकर्ता, पार्टीबाट निर्वाचित जनप्रतिनिधीलाई सभापति शाहले निर्देशन दिएका छन् ।

बैठकले अछामको जिल्ला समन्वय समितिमा करारमा रहेका कर्मचारीहरु नहाटई म्याद थप गर्नका लागि समेत निर्देशन गर्ने निर्णय सर्बसम्मत गरेको छ । यस्तै बैठकले भातृ संघसंगठनहरुले पनि आफ्ना कार्यक्रमहरु निरन्तर गर्नुका साथै पार्टीका रहेक गतिविधी र कार्यक्रममा प्रत्यक्ष रुपमा संलग्न हुन समेत निर्देशन गरेको छ । त्यस अघि बैठकमा सहभागी नेता कार्यकर्ताले आर्थिक अवस्था, जग्गाको बिषय, जिल्ला समन्वय समिती, पार्टीको लेबि, भातृसंगठनलाई कार्यलयका लागि कोठा उपलब्ध गराउनुपर्ने लगायतका बिषयमा आ आफ्ना धारणा राखेका थिए ।

नयाँ बर्ष २०८१ सालको शुभकामना आदानप्रदान ।

नेपाली कांग्रेस अछामले नया बर्ष २०८१ सालको शुभकामना समेत आदानप्रदान गरेको छ । पार्टीको २१ औँ बैठककै क्रममा शुभकामना आदान प्रदान कार्यक्रम समेत आयोजना गरिएको थियो । पार्टी सभापती पुष्प बहादुर शाहले नया बर्ष २०८१ सालको सबैलाई शुभकामना दिदै पार्टीमा सक्रिय रुपमा क्रियाशिल हुन आग्रह गरेका छन् ।

बैठकमा सहभागी नेपाली कांग्रेस सुदूरपश्चिम प्रदेश सहमहामन्त्री अम्बिका चलाउने नयाँ बर्षको शुभकामना व्यक्त गर्दै पार्टीलाई जिल्लामा चलायमान बनाउनु पर्ने र जिल्ला कार्यसमितिले समेत आफ्ना हरेक कुराहरु चुस्तदुरुस्त राख्नुपर्ने धारणा व्यक्त गरिन् ।

पूर्व जिल्ला सभापती भरत कुुमार स्वाँरले समेत नयाँ बर्षको सबैमा शुभकामना व्यक्त गर्दै पार्टीका केही बिषयमा कार्यकर्तामा अन्यौल्ता सृजना भएको र त्यस्ता कुरा जिल्ला कार्यसमितीबाट स्पष्ट पार्नुपर्ने र हरेक गतिविधीलाई चलायमान बनाउनु पर्ने बताए ।

बैठकमा पूर्व राष्टिय सभा सदस्य, प्रदेश कार्य समिति सदस्य, महासमिति सदस्य, क्षेत्रिय सभापती, जिल्ला कार्य समितीका पदाधिकारी, महाधिबेशन प्रतिनिधी र जिल्ला कार्य समिती सदस्य, भाृतसंस्था, सुबेच्छुक संस्थाका प्रमुख प्रतिनिधी लगायतको सहभागिता रहेको थियो ।