अछाम : अछामको कालेकाँडा र दैलेखको खिड्कीज्यूला जोड्ने झोलुङ्गे पुल लच्किँदा घाइते भएका खच्चडहरूको थप उपचार गरिएको छ ।
भेटेरिनरी अस्पताल तथा पशु सेवा विज्ञ केन्द्र अछाम बाट पशु चिकित्सक सहितको टोली खिड्किज्यूला पुगेर खच्चडको घाउमा मलम पट्टी गरेको र उनीहरूको आहारा व्यवस्थापनका लागि खच्चड मालिकलाई सल्लाह दिएको विज्ञ केन्द्र अछामका कार्यालय प्रमुख झनकदत्त ढुङ्गानाले बताए ।
सोमवार कार्यालय प्रमुख सहित विज्ञ केन्द्र र नगरपालिकाकाे पशु सेवा शाखा बाट गरी ६ जना पशु स्वास्थ्य प्राविधिक हरूले उपचार गरेका हुन् ।
खच्चडको अवस्था अहिले सामान्य छ । `धेरै गर्मी भएकाले घाउहरू पाक्न सक्छन् , उनलेे भने ´ थप औषधी दिएर बिस्तारै घरतिर लैजान सुझाएका छौँ । कार्यालय प्रमुख ढुङ्गानाका अनुसार थप उपचार का लागि आफ्नो टिम तैनाथ रहेको छ ।
खच्चडको उद्धार पछि निरन्तर उपचारका क्रममा खटिएका पञ्चदेवल विनायक नगरपालिका पशु सेवा शाखा संयोजक प्रेम जैसीका अनुसार उपचार गरेका सबै खच्चडको अवस्था खतरामुक्त रहेको छ ।
दुर्गम बस्ती सम्म दैनिक उपभाेग्यका सामाग्री पुर्याउने पहिलो माध्यम खच्चड भएकाले कालेकाँडाका विभिन्न बस्ती सम्म नुन,तेल र चामलको अभाव हुन नदिन खच्चडको उपचार अत्यावश्यक रहेको उनको भनाइ छ ।
आइतबार दैनिक उपभाेग्यका सामाग्री लिन अछामको पञ्चदेवल विनायक नगरपालिका वडा नम्बर ९ कालेकाँडाकाे भाट गाउँ बाट दैलेखको आठबिस नगरपालिका वडा नम्बर ४ खिड्किज्यूला जाने क्रममा आइतबार पुलकाे लट्ठा चुडिएर लस्किएपछि १३ खच्चड पुलको जालिमा करिब ५ घण्टा अड्किएका थिए ।
उद्धारका क्रममा २ वटा कर्णालीमा बगेर मरे भने ११ खच्चडको सकुशल उद्धार भएको थियो ।
याे पनि पढ्नुहाेस्
प्रतिक्रिया