अछाम: पञ्चदेवल विनायक नगरपालिकामा सञ्चालित वाक नेपालका कार्यक्रमको अनुगमन पश्चात् समीक्षा कार्यक्रम सम्पन्न भएको छ ।

वाक नेपालको पावर परियोजना अन्तर्गत नगरपालिकाकाे वडा नम्बर १ देखि ४ सम्म सञ्चालनमा रहेका विभिन्न परियोजना बारे शुक्रवार अर्ध वार्षिक समीक्षा गरिएको हो ।

सेभ द चिल्ड्रेनकाे आर्थिक सहयोग,पञ्चदेवल विनायक नगरपालिकाकाे सहकार्य र वाक नेपालको आयोजनामा आर्थिक वर्ष २०८०/०८१ मा सञ्चालित क्रियाकलाप
-विपन्न परिवारमा २० वटा शौचालय निर्माण ।
-एक विद्यालय र एक स्वास्थ्य संस्थामा शौचालय निर्माण ।
-१८ जना युवा उद्यमी लाई सीप विकास तालिम ।
१६ जना युवा उद्यमी लाई लघु उद्यम  विकास तालिम र  व्यवसाय सुरुवात सहयोग ।
लगायतका क्रियाकलापको अनुगमन पश्चात् समीक्षा गरिएको हो ।

समीक्षा कार्यक्रममा नगर प्रमुख अम्बिका चलाउने ले स्थानीय सरकार सँग निरन्तर समन्वय,सहकार्य गरेर कार्यक्रम गर्न सुझाव दिइन् ।
सङ्घ संस्थाहरूले सञ्चालन गरेका परियोजनाको सम्पूर्ण विवरण  पालिकाको सम्बन्धित विषयगत शाखामा तथ्याङ्क उपलब्ध गराउन आग्रह गरिन् ।

परियोजना बारे वाक नेपालका मिल संयोजक नरेन्द्र तिमिल्सैनाले जानकारी गराएका थिए ।