अछाम । जिल्लाको मंगलसेन नगरपालिकाले किशोर किशोरि संग उप प्रमुख कार्यक्रम संचालन गरेको छ । उनीहरुका सवाल माथि छलफल गरि आगामी दिनमा किशोर किशोरि लक्षित कार्यक्रम संचालन गर्ने उदेश्यले कार्यक्रम संचालन गरिएको नगरपालिकाले जनाएको छ ।

नगर उप प्रमुख संगीता रावल सोडारीको नेतृत्वमा गएको एक टोलीले आईतबार वडा न १३ बस्तीमा रहेको शिशुु सुधार माध्यामिक विद्यालयका किशोर किशोरी संग बृत अन्र्तक्रिया गरेको छ । समुदाय तथा विद्यालय स्तरमा उनीहरुले भोगीरहेका समस्याहरु उनीहरुकै आवाज बाट सुन्ने र उक्त समस्याहरु कुन निकायबाट समाधान गर्न सकिन्छ त्यस विषयमा छलफल गरिएको उप प्रमुख रावलले बताउनुभयो ।

किशोर अवस्था निकै सवेदनशिल अवस्था भएकाले यो बेला उनीहरु साना साना कुराहरुलाई लिएर तनाव लिने र त्यही कारणले अप्रिय निर्णय समेत लिने भएकाले मनोसामाजिक परामर्श दाता सहित सरोकारवालाको सहभागितामा अन्र्तक्रिया कार्यक्रम संचालन गरिएको महिला बालबालिका तथा जेष्ठ नागरिक शाखा प्रमुख मञ्जु महतले जानकारी दिनुभएको छ ।

वडा अध्यक्ष हिक्मत बहादुर बोगटीको अध्यक्षतामा भएको कार्यक्रममा सहभागि किशोर किशोरिहरुले आफुहरुले भोगीरहेका समस्याका बारेमा जानकारी गराउदै विद्यालयमा खानेपानी र उचित किसिमको शौचालय नभएको,पर्याप्त मात्रामा खेलकुदका सामाग्री नभएको तथा बालबिवाह भयावह अवस्थामा रहेको बताएका थिए ।

कक्षा १० मा अध्यानरत विद्यार्थि दिनेश भुल र निराजन बोगटीले आफ्नो विद्यालयमा आफुहरुले भोगि रहेका समस्याका बारेमा सरोकारवालालाई जानकारी गराएका थिए । कार्यक्रममा बोल्दै किशोरी सृजना परियारले आफ्नो वडामा अहिले बालविवाह समस्याकै रुपमा रहेको बताउनुभएको छ ।

किशोर किशोरिहरु जानीजानी बालविवाह गरिरहेकाले यसको न्युनिकरणका लागि स्थानीय सरकारले बिशेष कार्यक्रम ल्याउन आवश्यक रहेको बताउनुभयो । आफ्नो वडामा अहिले पनि छाउपडी कुप्रथा पनि कायमै रहेको सृजनाको भनाई छ । विद्यालयका प्रधानाध्यापक अर्जुन बहादुर थापाले आफ्नो विद्यालयमा सचेतनामुलक कार्यक्रम ल्याएकोमा धन्यवाद दिदै यस्ता रचनात्मक गतिविधिलाई निरन्तरता दिनुपर्नेमा जोड दिनुभएको छ ।

भौगोलिक रुपमा विकट रहेको वडामा अहिले पनि विभिन्न समस्याहरु रहेकाले समस्या समाधानका लागि पहल गरिदिन आग्रह गर्नुभएको छ । बस्तीमा बालविवाह प्रमुख समस्याकै रुपमा रहेकाले यसका लागि सरोकारवालाले बिशेष कार्यक्रम ल्याउनुपर्नेमा जोड दिनुभएको छ ।

कार्यक्रममा सहभागि सरोकारवालाले सोधेका प्रश्नको जवाफ दिदै नगर उप प्रमुख संगीता रावल सोडारीले किशोर किशोरिहरुका समस्या सुन्ने र समस्या समाधानका लागि आवश्यक गतिविधिहरु अगाडी बढाउने उदेश्यले यो कार्यक्रम संचालन गरिएको भन्दै विद्यार्थिहरुले उठाएका सवालमा आफ्नो गम्भिर ध्यानआकर्षण भएको बताउनु भएको छ ।

अहिले आफुहरु बजेट निर्माणकै चरणमा रहेकाले किशोर किशोरिहरुले उठाएका सवाललाई पहिलो प्रथामिकता राखेर कामगर्ने प्रतिबद्धता समेत जनाउनु भएको छ । बालविवाह अहिले सबै ठाउमा समस्याकै रुपमा रहेको र यी समस्या समाधानका लागि के गर्न सकिन्छ पालिकाका छलफलको विषय बनाउने उहाको भनाई थियो ।

कार्यक्रममा बोल्दै शिक्षा युवा तथा खेलकुख शाखा प्रमुख जगत बहादुर रावलले यस्ता विकट क्षेत्रका सवाललाई पहिलो प्रथामिकता राखेर कामगर्ने प्रतिबद्धता जनाउनुभयो । शिशुसुधार जस्ता धेरै विद्यालयहरु अभावमै शैक्षिक गतिविधिहरु गरिरहेकाले आगामी दिनमा शिक्षा शाखाको तर्फबाट देखिएका समस्याहरु समाधान गर्नका लागि कार्यक्रमहरु अगाडी बढाउने बताउनुभयो ।

कार्यक्रममा सहभागि अन्य अभिभावकहरुले पनि किशोर किशोरी संग उप प्रमुख कार्यक्रमको खुलेर प्रशंसा गरेका थिए । अन्र्तक्रिया कार्यक्रममा मंगलसेन नगरपालिकामा कार्यरत मनोसामाजिक परामर्शदाता पानसरा रावलले मानसिक स्वास्थ्य केहो ? यसले के गर्छ भन्ने विषयमा जानकारी गराउनु भएको थियो ।

कायक्रमको उदेश्यका बारेमा महिला बालबालिका तथा जेष्ठ नागरिक शाखा प्रमुख मञ्जु महतले जानकारी गर्नुभएको थियो भने कार्यक्रमको संचालन शिक्षा युवा तथा खेलकुद शाखा प्रमुख जगत बहादुर रावलले गर्नुभएको थियो । यो पहिलो चरणमा वडा न १३ बस्ती, वडा न १४ कालागाउँ र वडा न १ कुन्तीमा कार्यक्रम गरिने भएकाले अर्को बर्ष १४ वटै वडामा यो कार्यक्रमलाई अगाडी बढाउने योजना भईरहेको नगरपालिकाले जनाएको छ ।