अछाम : अछाम जिल्लामा करेन्ट लागेर एक बालकको ज्यान गएको छ । जिल्लाको तुर्माखाँद गाँउपालिका वडा नं. ६ रानिवनका धर्मे कामीका छोरा १५ बर्षिया बिमल बिकको ज्यान गएको हो ।

कामेश्वरी माबी रानीबनमा कक्षा ९ मा अध्ययनरत बिक आउदो १७ गते देखि हुने त्रैमासिक परिक्षाको सामाग्री लिन जाँदा पालिकाको वडा नं. ७ तोसीको नथखोलामा बिद्युतको तारबाट करेन्ट लागेर ज्यान गएको हो ।

बिद्युतको पोलमा रहेको पिन फुटेर तार भुइँमा लछारिएको तारबाट करेन्ट लाग्दा सोही ठाँउका कक्षा ९ मा अध्ययरत छात्र झंकर बिक घाईते भएका थिए ।

लछारिएको तारका कारण उनिहरुलाई करेन्ट लागेको बुझिएको छ । बिद्युत कार्यालयको लापरबाहीका कारण लापरबाही छोराको ज्यान गएको उनको बुवा धर्मे कामीले दुखेशो व्यक्त गरे ।