अछाम । मंगलसेन नगरपालिकामा संचालित अपाङ्गता समावेशी प्रारम्भिक बालबिकास तथा शिक्षा कार्यक्रमको सामाजिक परीक्षण कार्यक्रम सम्पन्न भएको छ । ह्यान्डिक्याप इन्टरनेशनल फेडरेशन र युुनिसेफको सहयोग तथा सेतो गुरास राष्ट्रिय बालविकास सेवा मार्फत मगलसेन नगरपालिकामा संचालित प्रारम्भिक बाल शिक्षा र विकासमा अपाङ्गता भएका बालबालिकाको समावेशीकरणलाई बलियो बनाउने उद्देश्यका संचालित कार्यक्रमको समिक्षा सहित सामाजिक परीक्षण कार्यक्रम सम्पन्न भएको छ ।

सन २०२३ मे १ देखि नगरका १४ वटै वडाका बालबिकास केन्द्रमा भएका कार्यको समिक्षा गरिएको हो । परीक्षण कार्यक्रममा बोल्दै मंगलसेन नगरपालिका प्रमुख पदम बहादुर बोहराले नगरका बालबिकास केन्द्रमा कार्यक्रम संचालन भएपछी निकै उपलब्धी भएको बताउनु भयो । हरेक कार्यक्रमको उपलब्धी दिगोपनाका देखिने भएकाले हरेक अभिभावक तथा बालबिकास शिक्षकले कार्यान्वयनमा ध्यान दिनुपर्ने बताउनु भयो ।

अझै आगामी जगबाट नै शिक्षालाई बलियो बनाउनका लागि नगरबाट निरन्तर सहयोग रहने बताउनु भयो । कार्यक्रममा मंगलसेन नगरपालिका वडा नम्बर ३ का अध्यक्ष र नगरपालिका शिक्षा अधिकृत जगत बहादुर रावलले सेतो गुरास मार्फत संचालन भएका कार्यक्रम उपलब्धी मुलक रहेका बताउनु भयो । संस्थाको कार्यक्रमले बालबिकास केन्द्रमा सहयोग तथा व्यावस्थापनमा आफ्नो वडा तथा शाखामा मार्फत सहयोग भएकाले उहाँहरुले बताउनु भयो ।

सामाजिक परिक्षण कार्यक्रममा मे १ सन २०२३ देखि हालसम्म संचालन भएका नगरपालिकामा बालविकास केन्द्रमा अपाङ्गता समाबेशी विधि, प्रक्रिया र अभ्यास प्रबर्धन नगरपालिकाका जनप्रतिनिधी, विद्यालय व्यवस्थापन समिति, शिक्षक अभिभावक संघ, प्रधानाध्यापक, शिक्षक र बालबिकास शिक्षकलाई भएका तालिम उपलब्धीका बारेमा ह्यान्डिक्याप इन्टरनेशनल फेडरेशन अछामका प्रमुख भोजसिँह खड्काले जानकारी गराउनु भएको थियो ।

साथै खड्काले बालबालिकाको क्षेत्रमा २ हजार ७ सय २१ जना बालबालिकाको सुरुमा प्रारम्भिक पहिचान, १ सय १५ जना बालबालिकाको कार्यगत सिमितता पहिचान, नगरका ५० बालबालिकालाई स्वास्थ्य चेकअप गरि १ जनालाई सहायक सामाग्री अपांङ्गता कार्ड र १३ जना विद्यालय बाहिर रहेका बालबालिकाको प्रारम्भिक पहिचान गरि ४ जना विद्यालय बाहिर रहेका बालबालिकाको बिद्यालयमा भर्ना समेत गरिएको जानकारी गराउनु भयो ।

करिब २ बर्षको अवधिमा २ करोड आर्थिक रकम मार्फत विभिन्न क्षेत्रमा खर्च सहित गरिएको कार्यक्रममा जानकारी ह्यान्डिक्याप इन्टरनेशनल फेडरेशन रमेश साङतानले गराउनु भयो भने सहजिकरण कमल रावलले गर्नु भएको हो ।