अछाम । अछाम क्षेत्र नम्बर २ का प्रतिनिधिसभा सदस्य माननीय पुष्पबहादुर शाहले निःशुल्क उपचार सेवा लिन अछामी नागरिकलाई अपिल गरेका छन् ।
उनले सामाजिक सञ्जालमा भिडियो सार्वजनिक गर्दै काठमाडौँ सिनामंगलमा रहेको केएमसि अस्पतालमा आफ्नो पहलमा निःशुल्क उपचार गरिने जानकारी दिएका छन् ।
केएमसि अस्पतालका अध्यक्ष प्रतिनिधि सभा सदस्य माननीय डा: सुनिल शर्माको सहयोग तथा सांसद शाहको समन्वयमा अछामका नागरिकलाई निःशुल्क उपचार गरिने भएको छ । अस्पताल व्यवस्थापनका अनुसार कलेजो प्रत्यारोपण र क्यान्सर रोगको किमो थेरापी बाहेकका सबै रोगहरूको उपचार गरिनेछ ।
त्यसका लागि माननीय पुष्पबहादुर शाहको सिफारिस तथा अछामका स्थानीय तहको सिफारिस हुनुपर्नेछ ।
अस्पतालका अनुसार उपचार गर्न जाने बिरामीले कार्तिक ७ गते भित्र अस्पतालमा भर्ना हुनुपर्नेछ । बिरामीले जान आउन र खाना बस्नको व्यवस्थापन आफैले गर्नुपर्नेछ ।
सामान्य देखि जटिल प्रकारका रोगको अप्रेसन तथा उपचार निःशुल्क हुने सांसद शाहको भनाई छ ।
प्रतिक्रिया