अछाम । नेकपा एमाले मङ्गलसैन नगर कमिटी अध्यक्ष बिर्ख बोगटिले पार्टी छोडेको घोषणा गरेका छन । 

मङ्गलसैन नगरपालिका ३ का वडाअध्यक्ष समेत रहेका बोगटिले सामाजिक सन्जाल फेसबुकमा लेख्दै कुनैपनी पार्टिमा आफू नरहेको बताएका हुन । 

उनी एमाले पार्टिको जिल्लामा प्रभाव राख्ने ब्यक्ति हुन । बोगटी मङ्गलसैन नगरपालिकाका प्रबक्ता समेत हुन । 

उनले फेसबुकमा लेखेको स्टाटसमा १ सय ५० बढिले प्रतिक्रिया दिएका छन । एमाले नेता प्रकाश शाहले उनको बिद्रोहलाई स्वागत गरेका छन । नेता शाह एमाले पुर्व उपाध्यक्ष भिम रावल निकट छन । कतिपय सर्वसाधारणले उनले पार्टि सदस्य नरहने घोषणा गरेको कुराको स्वागत गरेका छन । 

अध्यक्ष बोगटिले बिहिबार राती एमाले जिल्ला अध्यक्ष चन्द्र बोहरालाई ट्याग गरेर लेखेको अर्को स्टाटसमा लेखेका छन ‘पहिलो गोल आज दोश्रो गोल भोलि हानिन्छ’