अछाम ः नेपाल पत्रकार महासंघ जिल्ला शाखा अछामको बैठक बिभिन्न निर्णय गर्दै मंगलसेनमा सम्पन्न भएको छ ।

शाखा अध्यक्ष खम्म खत्रीको अध्यक्षतामा बसेको बैठकले महासंघको यहि मसिर २८ गते हुने निर्वाचनका लागि ३ सदस्यि निर्वाचन समिती गठन गरेको छ ।

निर्वाचन समितिको संयोजकमा नेपाल पत्रकार महासंघ अछाम शाखाका पूर्व अध्यक्ष रामबहादुर कुँवर रहेका छन् भने सदस्यमा कानुन व्यावसायी अधिवक्ता गणेश प्रसाद ढुंगाना र प्रेस यूनियनका केन्द्रीय सचिव पत्रकार मेनुका ढुंगाना रहेका छन् ।

बैठकले निर्वाचन अवधिको सुरक्षार्थ आवश्यक सुरक्षा व्यावस्था मिलाई दिनका लागि जिल्ला प्रशासन कार्यालय अछाम र जिल्ला प्रहरी कार्यालय अछामलाई अनुरोध गर्ने निर्णय समेत गरेको छ ।

यस्तै बैठकले केन्द्र, प्रदेश र जिल्ला शाखाको लागि हुने मतदानका लागि आवश्यक पर्ने मत पेटिका लगायतका सामाग्री जिल्ला निर्वाचन कार्यालय अछाम संग माग गर्ने निर्णय गरेको छ ।

नेपाल पत्रकार महासंघको निर्वाचन यहि मंसिर २८ गते देशभर एकसाथ हुदैछ ।