टंक प्रसाद रिमाल
अछाम । शिक्षक नेता मोहन ज्ञवालीको निधनको शोकमा नेपाल शिक्षक संघ अछामले आज सनिबार मङलसेनमा श्रद्धाञ्जली सभा सम्पन्न गरेको छ ।

नेपाल शिक्षक संघ अछामका अध्यक्ष नवेन्द्र राज जोशीको अध्यक्षता र नेपाल शिक्षक संघ अछामका पूर्ब अध्यक्ष एवम नेपाली काङ्ग्रेस महासमिति सदस्य पदम राज अधिकारीको प्रमुख आतिथ्यतामा सम्पन्न भएको श्रद्धाञ्जली सभामा बोल्ने वक्ताहरुले ज्ञवालीको शिक्षकको हकहित संगै  प्रजातान्त्रिक आन्दोलनमा महत्त्वपूर्ण योगदान गरेको चर्चा गदै उहाको निधनले सिङ्गो शिक्षा क्षेत्रमा ठूलो क्षती पुगेको बताएका छन ।

श्रद्धाञ्जली सभाका प्रमुख अतिथी पदम राज  अधिकारीले स्वर्गीय ज्ञवाली को ब्याक्तित्व र संगठनिक योगदान बारे चर्चा गर्नु भएको थियो । स्वर्गीय ज्ञवालीले नेपाली शिक्षकहरुकाे हक र हितका लागि गर्नुभएको योगदानको विषयमा चर्चा गर्दै उहाँकाे निधनले नेपाल शिक्षक संघमा अपुरणीय क्षती पुगेको बताउनुभयाे ।

श्रद्धाञ्जली कार्यक्रमका बिशिस्ट अतिथी नेपाल शिक्षक संघ सुदुर पश्चिम प्रदेश सदस्य एवम महाधिवेशन प्रतिनिधि बसन्ती बिष्ट, प्रदेश उपाध्यक्ष सुनिता थापा ,नेपाल ट्रेड युनियन काङ्ग्रेस प्रदेश उपाध्यक्ष पुष्प राज  भण्डारी,  प्रदेश महिला उपाध्यक्ष निर्मला रावल  लगाएतका शिक्षक नेताहरुले भावपूर्ण श्रद्धाञ्जली एवं शाेकाकुल परिवारजनप्रति गहिराे समवेदना प्रकट गर्नु भएको थियो ।

नेपाल शिक्षक संघ केन्द्रीय कार्यस‌मितिका पूर्व अध्यक्ष,वर्तमान समितिका सल्लाहकार,नेपाल शिक्षक युनियन राष्ट्रिय कार्यसमितिका संस्थापक महासचिब,सार्क शिक्षक महासंघका पूर्व अध्यक्ष समेत रहनुभएका शिक्षक नेता स्वर्गिय मोहन ज्ञवालीको ५९ वर्षको उमेरमा २०८१ मंसिर १४ गतेका दिन निधन भएको थियाे ।

श्रद्धाञ्जली सभा कार्यक्रमकाे सहजिकरण नेपाल शिक्षक संघ अछामका सचिब रुपानन्द उपाध्यायले गर्नुभएको थियाे ।