अछाम: जिल्लाको पन्चदेवल विनायक नगरपालिका वडा नम्बर ७ पुल्लेतोलाको नव निर्मित भवनको उद्घाटन भएको छ ।

अछाम २ का प्रतिनिधिसभा सदस्य माननीय पुष्पबहादुर शाहले नव निर्मित वडा कार्यालय भवनको उद्घाटन गरेका हुन ।

भवनको उद्घाटन गर्दै सांसद शाहले पन्चदेवल विनायकमा पछिल्लो समयमा भइरहेको विकास निर्माणले नागरिकमा उत्साह छाएको बताए । उनले आफूले अछामको विकासका लागि सबैसँग सहकार्य गरेर काम गरिरहेको बताए ।

वडा अध्यक्ष सुरत बहादुर रावलको अध्यक्षतामा भएको उद्घाटन समारोहमा प्रदेशसभा सदस्य माननीय अक्कल बहादुर रावल, पन्चदेवल विनायक नगरपालिकाका नगर प्रमुख अम्बिका चलाउने र अछामका प्रमुख जिल्ला अधिकारी शिवप्रसाद लम्साल विशिष्ट अतिथि रहेका छन् ।

बुधवार भएको उद्घाटन समारोहमा पन्चदेवल विनायक नगर उपप्रमुख हर्कबहादुर रावल लगायतले मन्तव्य राखेको पन्चदेवल विनायक नगरपालिकाका रोजगार संयोजक भरतराज अधिकारीले जानकारी दिए ।